ХУВИАРАА БИЗНЕС ЭРХЭЛЖ БАЙГАА ИРГЭД ПОС МАШИН АВАХ ШААРДЛАГАГҮЙ ГЭЖ ҮЗЭЖ БАЙНА

Монголын бизнес эрхлэгчдийн түр хорооноос Ерөнхий сайд, УИХ-ын даргад өргөх бичиг барьж байгаа байна. 2016 оны нэгдүгээр сарын 01-нээс эхэлсэн Нэмэгдсэн өртгийн албан татварын тухай хуульд өөрчлөлт оруулж, хувиараа бизнес эрхэлж буй иргэдийн эрх ашгийг харж үзэхийг хүсч байна. Лангууны бизнес эрхлэгчдэд татварын байцаагч нар нэг шаардлага тавьдаг. Тэр нь ПОС машин буюу төлбөрийн карт уншигч машин суурилуул гэсэн шаардлага. QRS буюу бар код бүртгэдэг ПОС машин нь автомат системээр тооллого хийдэг. Гэтэл зах, худалдааны төвүүд зах зээлийн дундаж өртгөөс доош үнээр бараагаа зарж, борлуулдаг. Ашиг бага. ПОС машин тэр бүр хэрэглэх боломжгүй. Хэрэглэсэн ч татварын өөр нөхцөл санал болгох хэрэгтэй гэж үзэж байгаа юм байна.