​ӨНӨӨДӨР БУЮУ 6 САРЫН 14 ДЭЛХИЙН ЦУСНЫ ДОНОРЫН ӨДӨР

Жил бүрийн зургаадугаар сарын 14-нийг Цусны донорын дэлхийн өдөр нэрийн дор тэмдэглэдэг. Иймд манай улсад ч энэ өдрийг өргөн тэмдэглэдэг. Өнөөдөр Сүхбаатарын талбайд "Бусдын төлөө цусаа өгч, амьдрал бэлэглэе" уриан дор өдөрлөг зохион байгуулна.

Өдөрлөгийн нээлт 11.00 цагт эхэлж, хүндэт доноруудад цол тэмдэг гардуулах юм. Дараа нь донор хамт олон, байгууллагуудад өргөмжлөл гардуулж, хамгийн залуу, хүндэт донорыг алдаршуулах аж.

14.00 цаг хүртэл үргэлжлэх өдөрлөгт оролцсоноор та цусны донорын талаар мэдээлэл авч, цусны бүлгээ тодорхойлуулах боломжтой.

Өдөрлөгийг Эрүүл мэндийн яам, Дэлхийн эрүүл мэндийн байгууллага, Цус сэлбэлт судлалын үндэсний төв, Монголын улаан загалмайн нийгэмлэг хамтран зохион байгуулна.