“100 АЙЛ”-ЫН ХУДАЛДАА ЭРХЛЭГЧИД ГАЗРАА ЧӨЛӨӨЛЖ ЭХЭЛЖЭЭ

Нийслэлийн Мэргэжлийн хяналтын газраас энэ сарын 9-ний өдөр 100 айл орчимд зөвшөөрөлгүй ил задгай худалдаа, үйл ажиллагаа эрхэлж буй аж ахуйн нэгж иргэдэд хяналт шалгалт явуулсан. Тус хяналт шалгалт энэ сарын эхнээс эхэлсэн бөгөөд 376 аж ахуй нэгж, иргэдэд нийтийн эзэмшлийн зам талбайг чөлөөлөх тухай мэдэгдэл хүргүүлсэн байдаг.

Одоогийн байдлаар 70 гаруй ил задгай худалдаа, үйлчилгээ эрхлэгчид, үйлдвэрлэл эрхэлж буй 70 үйлдвэрийн 32 нь үйл ажиллагаагаа зогсоожээ. Түүнчлэн нэг иргэн зөвшөөрөлгүй үйл ажиллагаа явуулж байсан түргэн үйлчилгээний цэгээ сайн дураараа нүүлгэсэн байна. Цаашид мэргэжлийн хяналтын газраас шаардлага биелүүлээгүй, нийтийн эзэмшлийн талбай дээр зөвшөөрөлгүй ТҮЦ, павильон байрлуулан ажиллаж буй худалдаа үйлчилгээ эрхлэгчдийн эрхийг хязгаарлах, албадан буулгах, зам талбайг чөлөөлөх арга хэмжээ шат дараатай авах юм байна