Эрх барьж буй МАН-ын Бага хурал өчигдөр /2018.12.19/ өдрийн 11.00 цагт эхэлж, шөнө дөл болтол хуралдсан билээ. Бага хурлын гол зорилго нь жаран тэрбумын асуудлаар УИХ-ын дарга М.Энхболдод хариуцлага тооцох тухай асуудал байв. Бага хурлын өмнө 10 гаруй гишүүдийг намаас хөөнө гэсэн мессеж тархсан ч тийм үйл явдал болсонгүй. Харин УИХ-ын дарга М.Энхболдод ёс зүйн хариуцлага тооцох тухай МАН-ын дарга, Ерөнхий сайд У.Хүрэлсүхийн саналыг Бага хурлын гишүүдийн 95 хувь нь дэмжжээ. М.Энхболдыг удирдлагуудын зүгээс тодруулбла, МАН-ын дарга У.Хүрэлсүх албан тушаалаа өгөхийг шахсан байна. Харин М.Энхболд "тийм боломжгүй" гэсэн хариулт хэлжээ. Ямар ч байсан Бага хурлын гишүүд М.Энхболдод ёс зүйн хариуцлага хүлээлгэх шийдвэрийг гаргасан байна. Харин Бага хурлын шийдвэрээр УИХ-ын даргыг чөлөөлнө гэсэн хууль Монголд байхгүй юм. Өөрөөр хэлбэл, МАН-ын Бага хурлын гишүүд УИХ-ын дарга М.Энхболдод ёс зүйн хариуцлага хүлээлгэх шийдвэр нь хуулийн заалтын өмнө "хад мөргөж" байна. Монгол Улсын Үндсэн хуульд төрийн дээд байгууллага болох УИХ-ын даргыг огцруулах таван үндэслэлийг суулгаж өгсөн бөгөөд уг үндэслэлд намын удирдлагуудаас гаргасан шийдвэрийн дагуу гэх зүйл заалт огтоос байхгүй бөгөөд намын зүгээс нь М.Энхболдын өргөдлийг нь өөрөөр нь өгүүлэхээр багагүй шахалт үзүүлээд удаж байна
Сэтгэгдэл (0)
Сэтгэгдэл бичигдээгүй байна