ЯГ ОДОО Ц.ПҮРЭВТҮВШИН О.ОРХОН, Д.ЭРДЭНЭБИЛЭГ НАР БАЙЦААГДАЖ БАЙНА

Цагдаагийн ерөнхий газрын Эрүүгийн цагдаагийн албаныхан гүйцэтгэх ажиллагаа явуулж О.Орхон, Ц.Пүрэвтүвшин нарыг саатуулжээ. О.Орхон нарыг Хан-Уул дүүргийн нутаг дэвсгэрт орших "Энхжин" хотхоноос саатуулсан байна.

Засгийн газрын гишүүн болох Л.Оюун-Эрдэнэ нар "Эрдэнэт" үйлдвэрийн 49 хувийг "Монголиан коппер корпорейшн" ХХК-д худалдан авахад голлон оролцсон хүний нэг нь сахал Д.Эрдэнэбилэг гэж ярьдаг бөгөөд Худалдаа хөгжлийн банк оролцсон гэх нь бий. Гэхдээ Ц.Пүрэвтүвшин нар Худалдаа хөгжлийн банк үүнд хамааралгүй гэдэг байр суурийг илэрхийлсээр ирсэн юм.

ЦЕГ-ын Хэвлэл мэдээллийн төвийн дарга Б.Баатархүү "Эрдэнэт үйлдвэрийн 49 хувьтай холбоотой асуудлаар О.Орхон, Д. Эрдэнэбилэг, Ц.Пүрэвтүвшин нарыг шалгаж байгаа. Одоогоор мөрдөн шалгах ажиллагаа явагдаж байна. АТГ, ЦЕГ-аас хамтарсан ажлын хэсэг хэрэг бүртгэлтийн хэрэг нээн шалгалтын ажиллагаа явуулж байна" гэж ярилаа.