2020/07/12
USD 2,811

Т.Батсүх албаны автомашинаар хүүхдээ зугаалуулснаа хэлсэн ч шүүх ажилд нь эргүүлэн томилох шийдвэр гаргажээ

Ц.Анхзул
2019/11/18

ХААИС-ийн харьяа МААЭШХ-ийн захирал Т.Батсүхийн албан хэрэгцээний автомашиныг хүү нь унаж, найзуудтайгаа зугаалсан асуудлаар бид сурвалжилга бэлтгэн хүргэж байсан. Цуврал сурвалжлагуудын мөрөөр ХААИС-ийн захирлын тушаал гарч Т.Батсүхт сахилгын шийтгэл ногдуулан, цалингийн хувь хасах шийдвэр гарч, удалгүй салбарын сайдын тушаалаар Т.Батсүхийг албан тушаалаас нь чөлөөлсөн юм.

Тэгвэл Т.Батсүх үндэслэлгүйгээр ажлаасаа халагдсан хэмээн шүүхэд хандсан бөгөөд хэргийг Хан-Уул дүүргийн Иргэний хэргийн анхан шатны шүүх хянан, түүнийг ажилд нь буцаан томилж, ажилгүй байсан хугацааны нөхөн олговор болох 51 хоногийн ажлын хөлс долоон сая 342 мянга 590 төгрөг олгох шийдвэр гарчээ. Т.Батсүх нь шүүхэд хандахдаа Архангай аймгийн Засаг дарга Ц.Мөнхнасангаар зодуулж, албан тушаалыг нь хүчээр булаан авсан хэмээн заргалдсан байна.

Т.Батсүхийг үүрэгт ажлаас нь чөлөөлөөд оронд нь М.Найданхүүг томилсон бөгөөд тэрбээр томилогдоод удаагүй ажлаа хүлээлгэн өгөөд хилийн дээс алхсан байна. М.Найданхүү энэ тухайгаа өөрийн цахим хуудаснаа ийнхүү бичжээ.

"Энэ долоо хоногийн шинэ ажил эхэлсэн эхний өдөр өндөр албан тушаалтнууд албаны автомашинаар хүүхдээ зөөдөг зөрчилийн тухай ил тод, баримттайгаар мэдээллээ. Ер нь манай улсад албаны тэргийг хувийн өмч мэт үздэг үзэл бол ужгирсан хэвийн үзэгдэл, байдаг л зүйл мэт хүмүүс ойлгодог.
Гадаад орнуудад том зөрчилд тооцогдож хатуу хариуцлага үүрүүлдэг. Ойрын жишээ гэхэд л Токио хотын засаг дарга зуслан руугаа албаны машинаар явнаас болж ажлаа өгч байсан. Иймэрхүү жишээ хэдэн арваараа бий.

Өнгөрсөн зун МААЭШХ-ийн захирал Т. Батсүхийн хүү найз нарынхаа хамт албаны машинаар зугаалж, цэнгэж буй бичлэг цацагдсан. Бүүр тод баримттайгаар баримтжан цацагдсан. Тэгээд энэ этгээдийг ХААИС-ийн ректорын тушаалаар 8-р сарын 19-нд ажлаас хуулийн дагуу халсан байдаг. Энэ нөхөр эргэж шүүхдээд хоёр долоо хоногийн өмнө Хан-Уул дүүргийн Иргэний хэргийн анхан шатны шүүхээр нэг шүүгчйин бүрэлдхүүнтэй шүүх хурлаар эргэж ажилдаа томилогдох дээр нь 7,3 сая төгрөгний нөхөн төлбөр авахаар болж шийдэгдсэн.

Миний бие энэ шүүх хурлыг хүртэл ХААИС-ийн итгэмжлэгдсэн төлөөлөгч гэсэн статус эдэлж байсан боловч яг энэ шүүх хурлаар миний эрхийг цуцалж би шүүх хуралд ажиглагчаар оролцож ганц ч үг хэлэх, тайлбар хийх эрхгүй болсон. Т.Батсүх хүүгийнхээ хийсэн гэмт үйлдлийг дараах зөрүүтэй байдлаар тайлбарлаж байгаа.

1. Энэ бол миний хүү биш манай хүрээлэнгийн залуу ажилчид гэж нэг мэлзсэн.
2. Энэ бол 1 жилийн өмнө болсон үйл явдал гэж шүүх дээр худал хэлсэн. Гэхдээ өөрийнх нь хүү үйлдсэн гэдгийг хүлээн зөвшөөрсөн.
Шүүгч бол үнэн авч хэлэлцээгүй. ХААИС баримтжуулаагүй байна, сошиол ховоор асуудалд хандлаа гэх ухааны юм яриж суусан. Тэгээд шүүхийн шийдвэрийг Т.Батсүхийн талд гаргасан. Нэг нь халсан болж нөгөө нь шүүхдээд эргээд Төрийн мөнгө төсвийн хөрөнгөнөөс хулгай хийх эрхээ шүүхийн шийдвэр, тогтоолоор нээлгэж чадаж байна. ХААЙС-ийн захиргаа, ректор давж заалдахгүйгээр эрдэмтэн хүний өчүүхэн ч ёс зүйгүй Т.Батсүхийг ажилд нь эргүүлэн томилох шийд гаргаж байна. Өөрөөр хэлбэл хонь бүрэн, чоно цатгалан гэдэг үлгэрийг хуйвалдан амилуулж байна. Өнөөдөр мөнгөгүй болсон ХААИС-ийн хөрөнгөнөөс 7,3 сая төгрөг Т.Батсүхэд төлөх үү?

Т.Батсүх нартай холбоотой хөрөнгө мөнгө идэж шамшигдуулсан, эрдэмтдийн эрх ашгийг илт зөрчсөн, хавчсан, ажлаас хууль бусаар халсан, бэлгийн дарамт учруулсан, өөрийн ферм дээр зарцалсан гэх мэт олон асуудлууд байдаг. ХХААХҮЯ, БСШУСЯ, ШУТС, гадаад орнуудын Монголд төсөл хэрэгжүүлэгч байгууллагуудтай холбоотой мөнгө идсэн, хөрөнгө хулгайлсан олон олон гэмт хэргүүд бүлэглэн үйлдсэнийг хүн бүр яридаг, мэддэг.
Яам, ШУТ сан, ХААИС, хүрээлэн дамнасан хулгайн бүлэглэл байгааг ч үгүйсгэхгүй хүн олон байгаа. АТГ, ТЕГ, ЦЕГ, Төрийн албаны зөвлөл зэрэг Төрийн байгууллагууд хуулийн дагуу энэ этгээдэд арга хэмжээ авч салбарыг цэвэрлэж,, эрдэм шинжилгээний байгууллагаас салгана гэдэгт миний бие итгэж байгаа.

Төрийн нэр бариж төрийг зайдагнасан бүх л этгээдүүдтэй хатуу чанд тэмцэж, гэмт үйлдлийг нь илчилж байж бид Япон, Солонгос, Сингапур, Хятад, Норвеги... улсуудын адил цэцэглэн хөгжинө, хүн ард нь шударгаар хөдөлмөрлөж, өндөр цалин хөлстэй болно.
Хуультай улсад хөгжил ирнэ. Худалгүй газар хүн боловсроно. Хулгайгүй орон цэцэглэн хөгжинө. Др. М. Найданхүү" хэмээн бичжээ.


Сэтгэгдэл (17)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.57.94.139 |   2019/11/19
51 хоногт 7 сая. Яаж амьдраад байгаан бэ? энэ хүмүүс чинь. Ийм өндөр цалинтай байж хүүхдээ улсын машинаар зөөгөөд нарийндаа хатсан лалар вэ?
Хариулах
202.70.34.38 |   2019/11/19
ичиж амьдармаар юм.
Хариулах
202.9.44.174 |   2019/11/18
umhii mongolchuudiig udur bolgon devselj bwl taarna. hun bish adguusnuud shuuu mongolchuud bol.
Хариулах
202.179.31.11 |   2019/11/18
Шуух даам гарсныг мэдээгуй юу. Даваж заалдвал ял нэмэгддэг болсон шуу дээ. Чи монго, танил талгуй бол чи хэн ч биш гэдгээ ойлго
Хариулах
213.160.227.5 |   2019/11/18
Төрийн байгууллагын машиныг хувьдаа ашиглавал ажлаас чөлөөлөх захирамж гаргалаа. Энэ нөхөр хаагуур нь яваад байна аа? Зариг дахин сурвалжилж эцэслэн шийдэх хэрэгтэй. ял завшссан байна шүү дээ.
Хариулах
66.181.188.90 |   2019/11/18
З.Энхболдын баруун гар МИАТын сахал Батчулууны дүү ш дэ
213.160.227.5 |   2019/11/18
http://peak.mn/news/turiin-baiguullagiin-mashin-zergiig-khuwidaa-ashiglawal-ajlaas-chuluulukh-zakhiramj-gargalaa?fbclid=IwAR3BEFHBfVd0iL9e59i3AKaWqJ2Jjz3R1n7vN9_vFPy874sMQy9vNQrZvkk#.Xc9tgZoewpI.facebook
Хариулах
66.181.161.42 |   2019/11/18
Шүүх нэг иймэрхүү ажилдаг болохоор л дарга нар давраад үүрдийн эрх мэдэлтэй болсон юм шиг аашилж аяглаад байгаа юм.
Хариулах
202.21.124.17 |   2019/11/18
хуулийн дагуу шийдвэр гаргасан байна
Хариулах
202.21.124.17 |   2019/11/18
kkk
Хариулах
202.179.31.9 |   2019/11/18
гэхдээ албаны машин хувьд ашигласан тохиолдолд халж болно гэж заасан байхад шүүх яагаад хэрэгсэхгүй болгосныг ойлгохгүй байна.
Хариулах
202.179.31.9 |   2019/11/18
Харин хууль чинь олон хуульчтай орон гэхэд дутуу эсвэл холбоосгүй эсвэл хуулин дахаасаа өөр нэр ашигласан тул шийтгэх боломжгүй зөндөө юм байлээ. Бүх хуулиа бүгд нийлж уншиж засуулахгүй бол хэрэг байхгүй.
Хариулах
202.9.43.1 |   2019/11/18
Монголын шүүх,хонгилын шүүх тийм л шийдвэр гаргана шүү дээ,батсүх хэдэн бор төгрөг аманд хийсэн тэгээд гүйцээ.
Хариулах
124.158.77.39 |   2019/11/18
Хөдөлмөрийн гэрээний ажлаас шууд халах ноцтой зөрчилд энэ талаар оруулж өгөөгүй, тухайн хэрэгт ажил хариуцагч хөдөлмөрийн тухай хуулийн дагуу шат дараалсан арга хэмжээ авалгүй шууд халсан бол ажил олгогч шууд бурууддаг хуультай иргэний талд заавал гардаг үүнийг ард түмэн ч мэдэхгүй хий баахан ярьцгаах юм дарга нар ч мэддэг хирнээ бардаж ажлаас халж унаж ханахгүй юм даа
Хариулах
66.181.161.45 |   2019/11/18
Давж заалдах хэрэгтэй.
Хариулах
202.131.245.69 |   2019/11/18
төрийн өмчийн төрөөс зардлыг нь санхүүжүүлж байгаа автомашиныг ашиглах\хэрэглэх тухай тодорхой ойлгомжтой журам гаргах хэрэгтэй. Албан тушаалын буюу албан ажлын автомашиныг хэрэглэх албан тушаалын жагсаалт байдаг. ЗГ-ын тогтоолоор сайд, дэд сайд, төрийн нарийн бичиг, УИХ-ын дэргэдэх байгууллагын дарга, дэд дарга болох энэ албан тушаалтнууд ажлын 10 цаг, 50-70 км дотор ажлдаа ирэх, харих болон албан ажилд ашиглах журамтай. Харин бусад албан тушаалтанд ийм эрх байдаггүй. бусад албан тушаалтан захиалгаар албан ажлын дуудлагын автомашин хэрэглэдэг. Сая баригдада байгаа нөхдүүдийн дйлэнх нь ажилдаа ирэх, харихдаа автомашин хэрэглэх эрхгүй албан тушаалтнууд байна лээ.
Хариулах
103.26.194.61 |   2019/11/18
Хонгилын шүүх ээ гэж...
Хариулах