Тээврийн цагдаагийн албанаас жил бүрийн арваннэгдүгээр сарын 29-ний өдрийг зам тээврийн аюул, осолгүй "Хичээх өдөр" болгон зарласан.Энэ өдөр дэлхий нийт зам тээврийн ослоор нас барсан иргэдэд хүндэтгэл үзүүлдэг уламжлалтай. Манай улсын хувьд зам тээврийн ослын улмаас хохирсон иргэд, тэдний ар гэрийнхний дуу хоолойг иргэдэд хүргэх, сэрэмжлүүлэг, зөвлөгөө, уриалга хүргэж өнгөрүүлдэг.
Зургаа дахь жилдээ зохион байгуулах Хичээх өдрөөр 11.00-11.10 цагт нийслэлийн гол уулзваруудын замын хөдөлгөөнийг түр хаах юм. Энэ хугацаанд түргэн тусламж, цагдаа, онцгой байдлын аврагчид уулзваруудад төлөвлөсөн арга хэмжээгээ явуулна. Манай улсад зам тээврийн ослоор хоногт хоёр хүн амиа алддаг байна. Тэдний дунд бага насны хүүхдүүд цөөнгүй байдаг. Тодруулбал, өнгөрсөн онд зам тээврийн ослоор 46 хүүхэд амиа алдсан бол энэ оны эхний арван сарын байдлаар 49 хүүхэд энджээ.
Сэтгэгдэл (0)
Сэтгэгдэл бичигдээгүй байна