Шүүх хурал дуусаагүй ч З.Баянсэлэнгийг шүүхийн танхимаас гаргаж, хорих анги руу явуулаад байна

Барилга, хот байгуулалтын сайд асан З.Баянсэлэнгэ, М.Болортуяа нарын 11 хүнд холбогдох хэргийн шүүх хурал өнөөдөр /2019.11.28/ Чингэлтэй дүүргийн Эрүүгийн хэргийн анхан шатны шүүхэд 10.00 цагаас эхэлж, хаалттай горимоор хуралдлаа. Шүүгдэгч нарын гурван өмгөөлөгч хүндэтгэн үзэх шалтгаанаар уг хуралд оролцох боломжгүй тул хурлыг хойшлуулах хүсэлт гаргасан байна. Харин шүүх бүрэлдэхүүн хэрхэн шийдвэрлэсэн нь тодорхойгүй байна.

Шүүх танхимаас шүүгдэгч З.Баянсэлэнгийг гаргасан ч, хуралд оролцогч бусад хүмүүс гарч ирээгүй тул шүүх хурал үргэлжилж байж болзошгүй гэдэг мэдээлэл байна.