2020/04/03
USD 2,773

Т.Бадрал: Гурван удаагийн тусгай нислэг үйлдэж, 750 орчим монгол иргэнийг эх оронд нь авчирна

О.Шүрэнцэцэг
2020/03/26

Улсын Онцгой комиссын Шуурхай штабаас гадаад улсад байгаа Монгол Улсын иргэдээ татан авах талаар мэдээлэл өгч байна.

ОБЕГ-ын дарга П.Бадрал "Таван удаа тусгай үүргийн нислэг хийлээ. Нийтдээ 4,805 иргэн эх орондоо ирэх хүсэлтээ дипломат төлөөлөгчийн газруудад гаргасан байна. Олон улсын хэмжээнд 100 гаруй улс иргэдээд бусад улс орноос татаж авч байна. Австрали улсын ЗГ-ын хүсэлтээр өнөөдөр утс улсын зургаан иргэнийг эх орон руу нь явуулах ажлыг зохион байгууллаа. Мөн БНСУ-ын хүсэлтээ гарган энэ долоо хоногийн амралтын өдрүүдээр 200 орчим солонгос иргэнийг татан авна.

 Түүнчлэн Дөрөвдүгээр сарын 2-нд 08:00 цагт БНСУ руу дараагийн ээлжийн тусгай үүргийн онгоц илгээнэ. 

Дөрөвдүгээр сарын 3-нд Япон улс руу, Дөрөвдүгээр сарын 4-нд 08:30 цагт БНСУ руу тусгай үүргийн онгоц илгээнэ.

 Гурван удаагийн тусгай нислэгээр 750 гаруй иргэнийг эх оронд нь авчрах боломжтой гэж үзэж байна. Тэднийг хамгийн багадаа 21 хоног тусгаарлагдах юм.