2020/05/27
USD 2,773

УИХ-ын дарга Г.Занданшатар банкуудад ашгийн хувиа багасгаж, зардлаа танах чиглэл өглөө

Өнөрцэцэг
2020/03/27

 Улсын Их Хурлын дарга Г.Занданшатар УИХ-ын Байнгын хороодын зарим дарга нарын хамт холбогдох яам, газар, банкны салбарын төлөөллийг өнөөдөр (2020.03.27) хүлээн авч уулзлаа. 

Уулзалтад Улсын Их Хурлын Байнгын хороодын дарга Х.Нямбаатар, Б.Чойжилсүрэн, УИХ дахь МАН-ын бүлгийн дарга Д.Тогтохсүрэн, Монголбанкны ерөнхийлөгч Б.Лхагвасүрэн, Санхүүгийн зохицуулах хорооны дарга Д.Баярсайхан, МҮХАҮТ-ын ерөнхийлөгч О.Амартүвшин болон Монголын банкуудын холбоо, арилжааны банкуудын удирдлага, албан тушаалтнууд оролцов. 

    Уулзалтын эхэнд УИХ-ын дарга корона вирусийн нийгэм, эдийн засагт үзүүлэх нөлөөллийг судлах, авч хэрэгжүүлэх арга хэмжээний чиглэлээр дүгнэлт гаргах ажлын 4 хэсэг Эдийн засгийн, Төсвийн, Хууль зүйн, Төрийн байгуулалтын байнгын хороон дээр тасралтгүй ажиллаж, Засгийн газарт чиглэл өгөн ажиллаж байгаа талаар товч танилцуулав. Тэрбээр хэлсэн үгэндээ, УИХ-ын зүгээс корона вирусийн эдийн засагт үзүүлэх нөлөөллийг А, Б, В хувилбараар гаргаж, үе шаттай хэрэгжүүлэх арга хэмжээний төлөвлөгөө боловсруулаад байна.УИХ-ын гишүүн Д.Тогтохсүрэнгээр ахлуулсан Ажлын хэсэг  сүүлийн гурван 7 хоногийн турш Сангийн яам, ХХААХҮЯ, ХНХЯ, Монголбанк, холбогдох байгууллагуудтай хамтран ажиллаж тооцоо судалгаа хийн, дээрх төлөвлөгөөг боловсруулж, саналаа Засгийн газарт хүргүүлсний дагуу Засгийн газраас холбогдох шийдвэрийг өнөөдөр гаргаж байна. 

  Мөн УИХ-ын Эдийн засгийн байнгын хорооны дарга Ж.Ганбаатараар ахлуулсан Ажлын хэсэг нэг сарын хугацаанд МҮХАҮТ-тай хамтран хүнсний хангамжийг тогтворжуулах, ноолуур, алтны үйлдвэрлэл, экспортыг дэмжих зэрэг чиглэлээр тооцоо судалгаа хийж, дүгнэлт гарган, Засгийн газарт чиглэл өгсөн. Тухайлбал, “Ноолуур” хөтөлбөрийн хүрээнд 300 тэрбум төгрөгийн 3 хувийн хүүтэй зээл олгох схемийг гаргасан нь хэрэгжих шатандаа ороод байна.  

    Энэ мэтчилэн УИХ шинжлэх ухааны тооцоолол, судалгаанд суурилж, нийгэм, эдийн засаг дахь хүлээлт, шаардлагыг зөв удирдах чиглэлийг баримтлан ажилласан. Ажлын хэсгүүд УИХ-ын хаврын чуулганыг цахимаар хуралдуулах бэлтгэлийг хангахаас эхлээд аж ахуйн нэгж, хүн амын орлогын албан татвар, нийгмийн даатгалын шимтгэлийг хөнгөлөх, чөлөөлөх, бууруулах, цаашилбал ипотекийн  зээл, зорилтот бүлэгт хандсан арга хэмжээ, Тавантолгойн ногдол ашиг зэрэг олон чухал асуудлыг хэлэлцэн, арга хэмжээ авч байна гэлээ. 

Банкны салбарынхантай өмнө нь цахимаар уулзаж, албан бичгээр ирүүлсэн саналуудтай танилцаад Монголбанктай хамтран холбогдох шийдвэр гаргаж байгааг УИХ-ын дарга Г.Занданшатар дурдаад, энэ удаагийн уулзалтаар ажил хэрэгч санал, санаачилга гарна гэдэгт итгэж байгаагаа мэдэгдлээ. Тэрбээр “Улстөржих, талцах цаг биш. Төр, хувийн хэвшил түншилж, хүчээ нэгтгэх, нийтийн дайсан болсон корона вирусийн эсрэг хамтран тэмцэж, хямралыг давах шаардлагатай байна” хэмээн онцлоод, банкны салбарынхан нийгмийн хариуцлагаа ухамсарлан бодитой, бүтээлч санал, санаачилга гарган ажиллах цаг болсныг анхааруулав. 

   Уулзалтаар хөндөгдөж буй асуудалтай холбогдуулан Монголбанкны ерөнхийлөгч Б.Лхагвасүрэн, МҮХАҮТ-ын ерөнхийлөгч О.Амартүвшин болон арилжааны банкны төлөөлөл хамтран ажиллах арга хэлбэр, тулгамдсан асуудал, зайлшгүй шаардлагатай арга хэмжээний талаар санал бодлоо илэрхийлэв. Тухайлбал, зарим хуульд онцгой нөхцөлтэй уялдуулан түр хугацаанд үйлчлэх нэмэлт, өөрчлөлт оруулах хэрэгтэй байгааг дурдав. 

    УИХ-ын Хууль зүйн байнгын хорооны дарга Х.Нямбаатар “Хуулиар ердийн хууль хэлэлцэн батлах хугацаа багадаа 45 хоног байдаг. Гэхдээ нэн яаралтай горимоор хуулийг хэлэлцүүлэх эрх Засгийн газарт бий. МҮХАҮТ, Монголбанк, Банкуудын холбоо үүсээд байгаа нөхцөл байдалтай уялдуулан нэг удаагийн зохицуулалтын шинжтэй хууль тогтоомжийг Засгийн газарт танилцуулан, яаралтай горимоор хэлэлцүүлэх боломж байгаа” гэдгийг онцоллоо. 

    Уулзалтын төгсгөлд УИХ-ын дарга Г.Занданшатар банкны салбарынханд

-Цаг үеийн шаардлагыг харгалзаж, хамтарч нэгдэн, ойлголцож ажиллах,

-Бэлэн бус төлбөр тооцоог идэвхжүүлэхэд анхаарсан бодлого гаргаж, Монголбанктай хамтран ажиллах

-Банкны салбарт дижитал шилжилт хийх 

-Монголбанкнаас зээлийн батлан даалтын санг идэвхжүүлэх замаар банкууд зээл олголт, экспортыг дэмжих 

-Банкууд ашгийн хувиа багасгаж, зардлаа танах арга хэмжээ авах, зорилтот бүлгийн зээлийн хугацааг чөлөөлөх, хөнгөлөх асуудлыг хэрэгжүүлэх чиглэл өглөө. Тэрбээр “Хүн төрөлхтөн ойрын үед тохиолдоогүй том сорилтын үед ирээд байна. Сорилт тулгарсан үед харилцагчдаа бодсон стандарт бус шийдвэр гаргах шаардлага гарцаагүй гарна. Эцсийн эцэст харилцагч нар чинь муудвал банкуудын байдал хүндэрнэ” гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ.


Сэтгэгдэл (16)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.26.227 |   2020/03/31
Банкууд чинь П. Очирбат, Н. Багабандиас эхлээд цөөхөн хэдэн олигархийн эрх ашгийг хамгаалж байдаг тогтолцоо юм аа даа. Ард түмниыг шулж байдаг, олигархуудыг тэтгэж байдаг энэ тогтолцоогшахах хэрэгтэй.Ард түмэн босох тэмцэх ёстой зүйл чин энэ дээ. Монголын нийт хадгаламжийн 97 хувийг хүн амын 3 хүрэхгүй хувь эзэмшдэг. Энэ 3 хүрэхгүй хувийн эрх ашгийн төлөө нийт ард түмнээ шулж байдаг. Ийм байж болох уу.
Хариулах
202.9.47.14 |   2020/03/31
Монголын банк банк биш ээ хэдхэн хүний хувиа хичээж баяжих гэж санаархсан ломбард болсон энэ 90 оноос эхэлсэн шүү дээ.
Хариулах
202.21.99.42 |   2020/03/30
Банкууд зардлаа танах асуудал яригдаж байна. Орон тоогоо бууруулах уу эсвэл ажиллагсдад олгодог цалингаа бууруулах уу иргэдийн хадгаламжийг хүүгүй буюу зээлийн хүүний түвшингээс бууруулж тогтоох уу. Нэг ёсондоо төр нэг талаараа шоу хийх гэж нөгөө талаараа ялгаагүй л иргэдийнхээ амьжиргааг унагаж байгаа бус уу. Капитал банкны гашуун үнэн иргэдийн байршуулсан хадгаламж буцаан авч чадаагүй л байгаа
Хариулах
192.82.76.253 |   2020/03/30
Орон сууцны ипотeкийн зээлийн хүүг сайн бууруулмаар байна.60 саяын зээлийг эргэн төлөхдөө 120 сая болгон төлж бна.Арай л бна шүү, мөнгө хүүлж бгаан биш үү, хүү өндөр бгаа нь залуу гэрбүлүүдэп маш их дарамт болж бна.Одооны сонгуулиар мөрийн хөтөлбөртөө оновчтой тусгаж өгсөн талд өгөх нь зөв
Хариулах
202.126.89.142 |   2020/03/29
Бодлогын хүүг 3 хувь болгож банкуудын хүүг 3дахин буулгана уу?!
Хариулах
64.119.23.189 |   2020/03/29
Zasgiin gazar,aimgiin zasag darga nar get unetri mashin avah,het unfur unetei tavilga,het undur unetei zasvar hiihee bolizihvol tegeed l bolno sht.ternees asar olon terbumiin tugrugiin hemnelt farahiig ta nar oorsdoosoo haigaarai.
Хариулах
202.126.89.73 |   2020/03/28
Yg yahar bolowdo
Хариулах
66.181.161.100 |   2020/03/28
ЧИГЛЭЛ ӨГӨХ ХЭРЭГГҮЙ. ОДОО ЗАСАГ ТАМАР НУДАРГАА ҮЗҮҮЛЭХ ХЭРЭГТЭЙ.
Хариулах
150.129.143.158 |   2020/03/28
ЗҮГЭЭР ГАДААДЫН БАНКИЙГ ОРУУЛЖ ИРЭХ ЭРХИЙГ Л НЭЭГЭЭД ӨГЧИХ НААД БАНКИРУУД 30 ЖИЛ ПАРАЗИТЛАЖ БАЙНА ОДОО БОЛОО! ГАДААДЫН БАНК ОРЖ ИРВЭЛ 1ЖИЛИЙН ЗЭЭЛИЙН ХҮҮ 2 ХУВЬ Л БОЛНО МОНГОЛ МАШ ХУРДАН БОСООД ИРНЭ.ДЭЭР НЬ МИАТЫГ БАС ХУВЬЧИЛ! АГААРЫН ТЭЭВРИЙН ЛИБЕРАЛ ХУУЛИЙГ БҮРЭН ЧӨЛӨӨЛВӨЛ ОЛОН АВИА КОМПАНИ ӨРСӨЛДӨНӨ ҮНЭ БУУРНА ҮЙЛЧИЛГЭЭ САЙЖИРНА. МӨН КАЗИНОГ ҮТЭР ТҮРГЭН ЗӨВХӨН ГАДААД ХҮН МӨНГӨӨ ҮРЖ ЗАРЦУУЛЖ БОЛОХООР ХУУЛЬЧИЛААД ХУРДАН НЭЭ МОНГОЛЧУУД МИНЭЭ ҮХЭХЭЭСЭЭ ӨМНӨ НЭГ АЯТАЙХАН АМЬДАРЖ БАЙГААД ҮХЭХ ЮМСАН ДЭЛХИЙН ДАНДАА АДАГ ХИЙХЭЭ БОЛЬМООР БАЙНА.
Хариулах
150.129.143.158 |   2020/03/28
ПАРАЗИТЛАГЧ БАНКИРУУД ОДОО ХҮРТЭЛ УХААРАХГҮЙ ШУНАНА ГЭНЭЭ ТА НАР! ГАДААДЫН ЖИЛИЙН 2 ХУВЬ Л БАЙДАГ ЗЭЭЛИЙН ХҮҮТЭЙ БАЙДАГ САНХҮҮГИЙН ЗАХ ЗЭЭЛИЙГ 30 ЖИЛ СОРЖ ШИМЖ ПАРАЗИТЛАСАН БАЙЖ НЭМЖ ШУНАЖ БАЙГААГНЭЭ ЯАСАН ИХ ХАРГИС ШУНАЛ ВЭ АРД ТҮМНИЙГ ДОРОМЖИЛЖ ХАНАХГҮЙ БАЙНУУ
Хариулах
150.129.143.158 |   2020/03/28
МОНГОЛД ЗАЙЛШГҮЙ ЛИБЕРАЛЧИЛЖ ЧӨЛӨӨТ ӨРСӨЛДӨӨНИЙГ БИЙ БОЛГОХ 2 ТОМ САЛБАР БАЙНАА 1. АГААРЫН ТЭЭВРИЙН 2.БАНКНИЙ. ЭНЭ 2 ЗАХ ЗЭЭЛИЙН ЧӨЛӨӨТ ЛИБЕРАЛ ӨРСӨЛДҮҮЛЭХГҮЙ БОЛ ХЭДЭН БАНКИРУУД ЯЗАРТАЛ ТАРГАЛАНА ЖИЛИЙН 1ЭЭС2 ХУВЬ БАЙДАГ ЗЭЭЛИЙН ХҮҮ ОДООНЫХООС ӨӨРЧЛӨГДӨХГҮЙ ДЭЛХИЙН ХАМГИЙН ӨНДӨР ХҮҮТЭЙ ХЭВЭЭР БАЙНА.МИАТ МЭТИЙН АЖИЛЧИДДАА ҮНЭГҮЙ БИЛЕТ ӨГДӨГ ШАХАА Г ДЭМЖСЭН ДЭЛХИЙН ХАМГИЙН ҮНТЭЙ ОНГОЦНЫ БИЛЕТТЭЙ УЛС ХЭВЭЭРЭЭ БАЙНА.
Хариулах
202.21.109.37 |   2020/03/28
яг зөв, эд ч мөнгө хүүлэгч нараас ялгаа байгаам уу
192.82.75.215 |   2020/03/27
хадгаламжын хүүг бууруулахгүйгээр банкны хүү, зээлийн төлөлт хойшлохгүйдээ. нийт хадгаламжын 95 хувийг хүн амын 2 хувь эзэмшдэг тэгээд банкуудынхаа нийт активын базцан шахуу гаж тогтолцоотой байхад байдал өөрчлөгдөхгүй улс төрч нэртэй монголын нийт баялгийг эзэмшиж байгаа хулгайч олигархи давхаргатаа хандсан үйл ажилгаа явуулбал илүү үр дүнтэй байх, гэвч олигархууд олигархидаа шаардлага тавина гэдэг үлгэр байхалдаа
Хариулах
122.201.21.55 |   2020/03/27
Монгол банк бодлогын хүүгээ дорвитой буулгахгүй бол зээлийн хүү буухгүй гэж өчигдөр эдийн засагч Анар тв ээр ярьсан шүү
Хариулах
66.181.190.20 |   2020/03/27
ямар ч мэдэлгүй хэдэн захирал нэртэй баагийнууд нь ирсэн байна.гол том закинуудыг нь дуудаач
Хариулах
66.181.161.60 |   2020/03/28
Tiishd sdaanuud