​ Баянзүрхчүүд #SafetyCheckChallenge-д нэгдлээ

Баянзүрх дүүргийн Засаг даргын Тамгын газрын хамт олон гэр бүлийн орчинд хүүхдийн аюулгүй байдлыг хангах, хамгаалах, болзошгүй эрсдэлээс урьдчилан сэргийлэх зорилгоор зохион байгуулж буй #SafetyCheckChallenge аянд нэгдлээ.
Иймд Баянзүрх дүүргийн Засаг даргын Тамгын газраас дүүргийн Нийгмийн даатгалын хэлтсийн хамт олныг #SafetyCheckChallenge-д нэгдэхийг урьж байна.
Урилгыг хүлээн авсан байгууллага үнэлгээний хуудасны дагуу нийт албан хаагчид өөрсдийн гэрийн аюулгүй байдлыг үнэлж, хийж хэрэгжүүлсэн ажлаа зурагжуулж өөрийн цахим хуудас болон олон нийтийн цахим сүлжээнд байршуулна.
Дашрамд, тус аяны хүрээнд дүүргийн Гэр бүл, хүүхэд, залуучуудын хөгжлийн хэлтсийн хамт олон миний гэр аюулгүй орчин үнэлгээний хуудасны дагуу өөрсдийнхөө хүүхдүүдийн аюулгүй байдлыг хангаж, гэрийнхээ орчин нөхцөлийг үнэлсэн байна.