Шинэ төрлийн коронавирусний үед илрэх шинж тэмдгүүдийн нэг нь нүд үрэвсэж улайх, загатнах, нулимс гарах зэрэг болохыг тогтоосон байна. Үүнээс өмнө тус вирус нүдээр дамжиж халдварлах боломжтой хэмээн эмч мэргэжилтнүүд анхааруулж байсан юм.
Манайд ирсэн коронавирусийн тохиолдлуудыг ажиглахад хамар битүүрэх, толгой болон хоолой өвдөх шинж тэмдэг илэрч байгааг эрүүл мэндийн яамнаас мэдээлсэн.
ХӨСҮТ-д өнөөдрийн байдлаар шинэ коронавирусийн 12 батлагдсан тохиолдол байна. Энэ нь бүгд гадны орноос зөөвөрлөгдөж орж ирсэн.
12 хүний зарим нь хоёр хоногийн дараа, заримд нь 14-16 хоногийн дараа шинж тэмдэг илрэх байдал ажиглагдаж байна.
Өвчлөл гарсан улс орнуудын туршлагаас харахад коронавирусийн өвчлөлийн гол шинж тэмдэг нь халуурах гэдгийг мэдээлж байгаа. Бидний ажигласнаар халуурах нь коронавирусийн өвчлөлийн эхний шинж тэмдэг биш байна. Харин манайд ирсэн тохиолдлуудыг ажиглахад ихэвчлэн хамар загатнах, битүүрэх, толгой өвдөх, бие сульдаж ядрах, дотор муухайрах, бие арзайх, хоолой өвдөх зэрэг шинж тэмдгүүд илэрч байна. Бидний ажигласнаар халуун нь эхний шинж тэмдэг нь биш байна. Халуун нь 37, 38 хэм хүрэхтэй үгүйтэй орж ирж байна.
Ирсэн хүмүүстэй ярьж байхад Улаанбаатарт ирсэн хойно цаг агаарын хуурай байдлаас болоод харшил хөдөлсөн юм боловуу хамар битүүрч байсан, толгой бага зэрэг өвдсөн юм боловуу гээд шинж тэмдгээ анзаарахгүй өнгөрөх байдал байна.
°C