Улсын Онцгой комиссын шийдвэрээр БНСУ болон Япон руу тусгай үүргийн гурван нислэг хийхээр шийдвэр гарсан. Эхний нислэг 03.31-нд УБ-Сөүл-УБ чиглэлд, 04.01-нд УБ-Токио-УБ чиглэлд нисэж, ачаа тээвэрлэж ирсэн.
Харин өчигдөр буюу 04.02-нд Уб-Сөүл-Уб чиглэлд зорчигч тээвэрлэж ирсэн. Тэгвэл өнөөдөр /04.03/ 01.30 цагт Улаанбаатараас Токио руу тусгай нислэг явсан бөгөөд өнөөдөр 14.30-д Улаанбаатарт зорчигч тээвэрлэн ирнэ. Уг нислэгээр экс Ерөнхийлөгч Ц.Элбэгдорж, Асашёрюү Д.Дагвадорж нар ирэх юм байна. Энэ талаар Ц.Элбэгдорж өөрийн цахим хуудаснаа мэдээлэл нийтэлжээ. Тодруулбал, “Нутгийн зүг хөлгийн жолоо залахад бэлэн боллоо. УБ-аас Токиод МИАТ-ын онгоц буух сайхан мэдээ сонслоо. Эх нутагтаа очих сургаар над руу ирэх дайралт ширүүсэж байна. Ийм юм надад улам эрч хүч нэмж, намайг хурцалдаг юм. Цаг болж. Би доорх маягаар хариу барихаар шийдлээ. Болгооно уу” хэмээжээ.
Сэтгэгдэл (0)
Сэтгэгдэл бичигдээгүй байна