Халдварт өвчнөөс сэргийлэх чиглэлээр амны хаалт зүүгээгүй иргэдийг 150 мянган төгрөгөөр торгох шийдвэр УОК-оос гарсан. Энэ шийдвэр өнөөдрөөс буюу дөрөвдүгээр сарын 15-ны өдрөөс хэрэгжиж эхэлнэ. Тодруулбал, амны хаалт зүүгээгүй иргэдийг Зөрчлийн тухай хуулийн 15 дугаар зүйлийн 15.1 дэх хэсэгт зааснаар 150 мянган төгрөгөөр торгох юм.
Энэ шийдвэрийг хэрэгжүүлэх, хяналт тавих, торгох хариуцлага тооцох эрхийг цагдаагийн алба хаагчдад олгосон. Мөн нийслэлийн 173 хорооны 1525 хэсгийн байцаагчийг сургалтад хамруулж, цагдаагийн үүргийг давхар биелүүлэх эрхийг олгосон юм.