Сонгууль: Гадаадаас ажиглагч нар ирж чадахгүй нөхцөл үүсэв

УИХ-ын 2020 оны ээлжит сонгууль өглөө 07.00 цагт эхэлж үдшийн 22:00 цаг хүртэл явагдана. Өмнөх жилүүдийн сонгуулиар гадны улсын ажиглагчид манай улсад ирж "сонгууль"-д ажиглагчаар оролцдог байсан билээ. Тэгвэл энэ удаагийн сонгуульд коронавирусийн тархалттай холбогдуулан гадаад улсуудаас ажиглагчид ирэх боломжгүй нөхцөл байдал үүссэн байна. Харин энэ удаагийн сонгуульд Монгол Улсад үйл ажиллагаа явуулж байгаа Элчин сайдын яамдууд, Олон улсын байгууллагын хүмүүс сонгуульд ажиглагчаар оролцох хүсэлтээ өгч, тухайн хүмүүст гадаад ажиглагчийн эрх олгосон байна.