УИХ-ын ээлжит сонгуулийн санал хураах үйл ажиллагаа 16 дугаар тойрог буюу Ховд аймагт амжилттай зохион байгуулагдаж байна. Ховд аймгийн тухайд 91 хэсгийн хороод ажиллаж, 2020 оны УИХ-ын сонгуульд 56074 сонгогч аймгийн хэмжээгээр саналаа өгөхөөр бүртгүүлсэн байна.
УИХ-ынсонгуулийн санал авах үйл ажиллагаа үргэлжилж байна. УИХ-ын гишүүн, ТББХ-ны дарга С.Бямбацогт 11.40 цагт буюу морин цагт Ховд аймгийн 16 дугаар тойргийн 3 дугаар хэсгийн хорооны санал авах байранд гэр бүлийн хамт очин саналаа өглөө.
Түүний хувьд Жаргалант сумын Бичигт багт төрж өссөн, өрх тусгаарлаж гал голомтоо асаасан гээд түүхэн дурсамж олон бий гэдгийг хэлж байлаа. Тэрээр Монгол төрийн эрх барих, хууль тогтоох дээд байгууллага болох УИХ-аа сонгох сонгуулийн үйл ажиллагаа орон даяар идэвхтэй явагдаж байгааг онцлоод Иргэн бүрийн санал үнэ цэнэтэй тул Монголчууд маань сонгох эрхээ эдлэн сонгуульдаа идэвхтэй оролцохыг уриаллаа.
Сэтгэгдэл (0)
Сэтгэгдэл бичигдээгүй байна