2020/08/14
USD 2,811

Д.Баярсайхан нарт оноосон ялыг хэвээр үлдээлээ

З.Гантулга
2020/07/28

Улсын Дээд шүүхийн хяналтын шатны эрүүгийн хэргийн шүүх хуралдаанаар Д.Баярсайхан нарын есөн хүнд холбогдох эрүүгийн хэргийг шүүгдэгч нар, тэдний өмгөөлөгчдийн гаргасан гомдлын дагуу 2020 оны 7 дугаар сарын 27-ны өдөр хянан хэлэлцлээ.

Чингэлтэй дүүргийн Эрүүгийн хэргийн анхан шатны шүүх дээрх хэргийг 2019 оны 12 дугаар сарын 9-ний өдөр хянан хэлэлцээд, Эрүүгийн хуулийн 22.1 дүгээр зүйлийн 2 дахь хэсэгт зааснаар Д.Баярсайханд нийтийн албанд томилогдох эрхийг 4 жилийн хугацаагаар хасаж, 2 жил хорих, Г.Тогтохбаатарт нийтийн албанд томилогдох эрхийг 4 жилийн хугацаагаар хасаж, 1 жил 6 сар хорих, Л.Чинбатад нийтийн албанд томилогдох эрхийг 2 жилийн хугацаагаар хасаж, 10 сая төгрөгөөр торгох, Д.Ганбаатарт нийтийн албанд томилогдох эрхийг 4 жилийн хугацаагаар хасаж, 10 сая төгрөгөөр торгох ял оногдуулсан.

Мөн Б.Цэндсүрэнд Эрүүгийн хуулийн 22.1 зүйлийн 2, 22.4 дүгээр зүйлийн 2 дахь хэсэгт зааснаар нийтийн албанд томилогдох эрхийг 5 жилийн хугацаагаар хасаж, 3 жил 6 сар хорих, М.Болортуяад Эрүүгийн хуулийн 22.5 дугаар зүйлийн 3 дахь хэсэгт зааснаар 120 сая төгрөгөөр торгох ял оногдуулсан билээ.

Түүнчлэн Эрүүгийн хуулийн 22.12 дугаар зүйлийн 1 дэх хэсэгт зааснаар Сун Гуан Чинд 2 жил хорих, Ц.Энхтунгалагт 1 жил 6 сар хорих ял оногдуулж, Ц.Энхтунгалагт хорих ял оногдуулсан шийтгэх тогтоол биелүүлэхийг 2 жилийн хугацаагаар хойшлуулсан юм. Харин Б.Эрдэнэбаатарт Эрүүгийн хуулийн 22.12 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн хэргийг гэмт хэргийн шинжгүй гэсэн үндэслэлээр хэрэгсэхгүй болгосон.

Нийслэлийн Эрүүгийн хэргийн давж заалдах шатны шүүх уг хэргийг 2020 оны 4 дүгээр сарын 30-ны өдөр хянан хэлэлцээд, М.Болортуяад анхан шатны шүүхээс Эрүүгийн хуулийн 22.5 дугаар зүйлийн 3 дахь хэсэгт зааснаар ял оногдуулсныг 22.5 дугаар зүйлийн 2 дахь хэсэг болгон өөрчилж, зүйлчлэл өөрчилсөнтэй холбогдуулан 120 сая төгрөгөөр торгох ялыг 20 сая төгрөг болгосон аж.

Улсын Дээд шүүхийн хяналтын шатны эрүүгийн хэргийн шүүх хуралдаанаар хэргийг хянан хэлэлцээд, Г.Тогтохбаатарт оногдуулсан 1 жил 6 сар хорих ялыг 10 сая төгрөгөөр торгох болгон өөрчилж, бусад шүүгдэгчдэд оногдуулсан ялыг хэвээр үлдээж шийдвэрлэв.


Сэтгэгдэл (13)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.90.34 |   2020/07/31
Thh
Хариулах
202.126.90.34 |   2020/07/31
Thh
Хариулах
120.18.42.39 |   2020/07/30
hhe baahan hunii ner, tanih hun ch alga, bas yamar hereg hiisiin chutgur ene setguulch hoyor l medeh baihdaa
Хариулах
202.126.89.98 |   2020/07/29
Ийм л хуультай болох хэрэгтэй байна
Хариулах
202.55.188.37 |   2020/07/29
Шүүхээр Энэ харагдаж бна монголд ер нь мөнгөтэй ч юмуу эрх мэдэл бүхий явсан тэр хүмүүст ял зөөлөн тусаж бна монгол төрийн тогтолцоонд ер нь маш том гажуудал давамгайлсан бна энийг өөрчилөх зоримог алхам хийхэд ард түмэн бид сайн шаардах хэрэгтэй төрийн өмнө хүлээсэн хариуцлагаа умартсан ийм хүмүүст хятад улсын хуулиар бол бүх хөрөнгийг Хурааж цаазын Ял буюу бүх насаар хорино ер нь Шудрага засаглалтай байж улс хүчирхэг болж хөгждөг мөн ард түмэн ядааралаас гардаг юм
Хариулах
59.153.112.9 |   2020/07/29
Энэ Баярсайхан биш бөх ( заан)Баярсайхан биз дээ. Зураг андуу бнаа.
Хариулах
192.82.69.85 |   2020/07/28
Za za hiisen hereg ni notlogdood yalaa edlej bolj bgan bna. Gehdee arai l baga u gui yu shiitgel ni.
Хариулах
59.153.114.11 |   2020/07/28
Б.ЭНХБАЯР УИХ-ын гишүүн хуулийн цоорхойнуудыг бөглөж, ялын хэмжээг хүндрүүлэх хэрэгтэйг сонгуулийн өмнө ярьж байсан . Удахгүй хуульд өөрчлөлт орж хийсэн хэрэгт нь тохирсон ял өгдөг болох байх. Одоо ч яахав багадсан ч гэсэн ял өгч эхэлж байгаа нь анхны алхам юм даа.
Хариулах
202.21.125.35 |   2020/07/28
Халзан Гамбаа гэгч Ми овогтын эхнэрийн хамаатан новш ял завшлаа даа. Жинхэнэ хүн хог гэгч дээ
Хариулах
66.181.161.18 |   2020/07/28
Заа боль2
Хариулах
202.179.24.60 |   2020/07/28
энэ маягаараа Монгол авилгалаас мөддөө салахгүй ээ
Хариулах
14.48.87.38 |   2020/07/28
Luivardsan mungiig xyraaj uruu daryylaach davarsan ymnyyd idej tsysalj xanahgv ymaa
Хариулах
124.158.107.35 |   2020/07/28
насаараа идэх мөнгө хулгайлчихаад 2 жил суугаад гарахад яахав дээ , манай улс авилгач хулгайчдын диваажин өөр улсад хамаг хөрөнгөө хураалгаад олон жил суух биз зарим нь толгойгүй ч болох байх
Хариулах