Засгийн газрын ээлжит хуралдаан болж байна. Өнөөдрийн хуралдаанаар 2020 оны төсвийн тодотголын төсөл болон цаг үеийн бусад асуудлыг хэлэлцэнэ.
Эргэн сануулахад өнгөрсөн долоо хоногт болсон Засгийн газрын хуралдаанаар Монгол Улсын 2020 оны нэгдсэн төсвийн тодотголын төслийг Сангийн сайд Ч.Хүрэлбаатар танилцуулсан. КОВИД-19 цар тахлын улмаас оны эхний зургаан сарын байдлаар нэгдсэн төсвийн орлого 4 их наяд 358 тэрбум гаруй төгрөг болж, төлөвлөсөн хэмжээнээс хоёр их наяд гаруй төгрөгөөр буурчээ.
Энэ тоо оны эцэс гэхэд 3.4 их наяд төгрөг болох төлөвтэй байгаа бөгөөд энэ нь ДНБ-ий 9.8 хувьтай тэнцэх тооцоо гарсан байна. Иймээс Засгийн газар эдийн засгийг идэвхжүүлэх, иргэдийн эрүүл мэнд, орлогыг хамгаалах, аж ахуйн нэгжийг дэмжих зэрэг арга хэмжээг он дуустал үргэлжлүүлэх зорилгоор нэгдсэн төсвийн тодотголын төслийг боловсруулжээ.
Сэтгэгдэл (0)
Сэтгэгдэл бичигдээгүй байна