ТЕГ-ын дарга асан Д.Гэрэлийг АТГ шалгаж байна

Тагнуулын ерөнхий газрын дарга, асан  Д.Гэрэл нь эхнэр Д-гийн нэр дээр тусгай хамгаалалттай Богд ууланд том газартай. Мөн түүний төрсөн хүү Г.Аранзалын нэр дээр байдаг алтны уурхай Нарангийн голоос 27 алхамд байдаг гээд олон асуудлыг өмнө нь манай сайт мэдээлж байв. Тагнуулын ерөнхий газрын дарга асан Д.Гэрэл нь Засгийн газрын хэрэг эрхлэх газрын дарга, Монгол Улсын сайд Л.Оюун-Эрдэнийг хууль бусаар тагнаж, чагнасан байж болзошгүй хэргээр АТГ шалгагдаад эхэлжээ. Мөн тэрбээр нэр бүхий сэтгүүлчийг гүйцэтгэх албаны зардлаар санхүүжүүлж хууль бус ажиллагаа явуулдаг байсан талаар Хуульзүйн сайд Х.Нямбаатар мэдэгдсэн. Дашрамд сонирхуулахад Д.Гэрэлийг өмнө нь БНТУ-ын иргэн Вейсел Акчайг  өгч явуулахаар тохирсон гэх хэргээр шалгаж байгаад хаасан  байж болзошгүй юм.