2021/10/27
USD 2,811

Төсвийг мөшгөе: Гэмт хэргээс урьдчилан сэргийлэх зардал болох 110 сая төгрөгөөр төлөөлөгч нар гадаадад зугаалжээ

Өнөрцэцэг
2020/09/22

Зариг.мн видео сайт “Төсвийг мөшгөе” зорилтот цуврал нийтлэл, нэвтрүүлэг бэлтгэн иргэд, үзэгч та бүхэндээ хүргэхээр зорьж байгаа билээ. 

Энэхүү зорилтот нийтлэл, нэвтрүүлгээрээ бид улсын төсвийн хөрөнгө оруулалтаар санхүүжүүлэх хөрөнгө оруулалтын төсөл, арга хэмжээний хэрэгжилт, үр дүн, улсын төсвийг үр ашигтай зарцуулах талаар иргэд, олон нийтийг мэдээллээр хангаж, төсвийн хулгайг таслан зогсооход олон нийтийн хандлага, хяналт, оролцоог нэмэгдүүлэхийг зорьж байгаа юм.
Энэ удаагийн нийтлэлээрээ Нийслэлийн иргэдийн төлөөлөгчдийн хурлын дарга Р.Дагва 2019 оны арванхоёрдугаар сарын 24-ний өдөр 207, 208 тоот тогтоолуудыг дараалан гаргаж, уг тогтоолуудын дагуу гэмт хэргээс урьдчилан сэргийлэх ажлын зардлаас гадаад явах томилолт, гадаадад сургалт суух төлбөр гаргуулсан баримтыг хөндөж байна.
Нэгдүгээрт, 207 тоот тогтоолоор Нийслэлийн иргэдийн төлөөлөгчдийн хурлын дарга Р.Дагва тэргүүтэй төлөөлөгчдийн бүрэлдэхүүн Нийслэлийн гэмт хэргээс урьдчилан сэргийлэх ажлыг зохицуулах зөвлөлийн зардлаас нийт 110.8 сая төгрөгийг гадаад томилолтод зарцуулахаар цохуулан авчээ. Улаанбаатар хот болон Сөүл хотын хамтын ажиллагааны хүрээнд албан томилолтоор БНСУ-д ажиллах үндэслэлээр уг мөнгийг гаргуулан авсан байдаг. 


Хоёрдугаарт, 208 тоот тогтоолоор мөн л Нийслэлийн иргэдийн төлөөлөгчдийн хурлын дарга Р.Дагва тэргүүтэй төлөөлөгчдийн бүрэлдэхүүн АНУ-ын Флорида мужийн Майами хотын удирдлагуудтай зөвшилцсөний дагуу гэмт хэргээс урьдчилан сэргийлэх, иргэдийн аюулгүй байдлыг хангах тухай асуудлаар хамтарсан сургалтад суух нэрийдлээр 100 гаруй сая төгрөг гаргуулан авчээ.

Р.Дагвын хашиж байгаа албан тушаал буюу Нийслэлийн иргэдийн төлөөлөгчдийн хурлын дарга нь автоматаар хуулийн дагуу Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийг даргалдаг. Тэрбээр энэхүү албан тушаалын давуу байдлаа урвуулан ашиглаж төсвийг зориулалтын бусаар зарцуулсан гэмт хэргийн шинжтэй үйлдэл гаргасныг Нийслэл дэх төрийн аудитын газраас 2019 оны дөрөвдүгээр сад тогтоож, зөрчлийг залруулах, арилгах үүрэг өгсөн байдаг.
Төсвийн тухай хуулийн дагуу батлагдсан төсвийн хүрээнд л зарлага гаргадаг. Тэгээд ч гэмт хэргээс урьдчилан сэргийлэх ажлыг зохицуулах зөвлөлийн зардалд томилолт нэрээр гадаад улсад явах, сургалтад суух зардлын зохицуулалт огт байхгүй юм.
Нийслэлийн иргэдийн төлөөлөгчдийн хурлын дарга Р.Дагва бүрэн эрхээ хэтрүүлэн илтэд хууль зөрчсөн шийдвэрүүдийг ар араас нь үзэглэн Нийслэлийн гэмт хэргээс урьдчилан сэргийлэх ажлыг зохицуулах зөвлөлийн зардлаас зориулалтын бусаар зарцуулж, гарын салаагаараа урсгаж суухад уг мөнгөөр эрх ашгаа хамгаалуулах жинхэнэ эзэд нь болох хүүхдүүд төрийн хайр, хамгаалалтыг хүртэж чадалгүй зэрлэг нийгмийн золиос болон амь насаа алдаж байгаа нь дэндүү харамсалтай юм. 

Төсвийн ерөнхийлөн захирагчийн үүргээ биелүүлж, төсвийг үр дүнтэй захиран зарцуулах сэтгэлгүй Р.Дагва мэт дарга нарын явуургүй шуналаас болж жирийн иргэд л хохирдог. Угтаа дээрх мөнгийг зориулалтын дагуу нь зарцуулж, төрийн хайр халамжийг хүүхдүүдэд хүртээж, хамгаалалтад авч чадсан бол тэдгээр балчир үрс цаг бусаар эмгэнэлтэйгээр энэ хорвоогоос одохгүй байх боломж бүрэн байсан юм шүү, Р.Дагва дарга аа !!! 


Н.Өнөрцэцэг


Сэтгэгдэл (17)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
70.181.124.42
Hotiin sanhyyd haraat bus auidit oruulj olon niited medeelel uguuchee.hotiin udirdlaguud dendyy ih ard olnii hurunguug yr ashiggyi zarcuulj baigaa shyydee.hotiin mungu ard tymnii hurungu.
Хариулах
66.181.161.115
Зоригтой хулгайчууд юмаа. Гэмт хэргээс урьдчилан сэргийл гээд мөнгө батлаж байгаад шууд шаачихсан байна шүү дээ. Ойлгоход тун бэрхтэй хулгай байна шүү дээ.
Хариулах
202.126.88.132
Нөгөө сүртэй намын дарга нар нь хаана байгаа юм бэ
Хариулах
202.179.11.230
Тэр бумын хауст суучихаад 570 унаад гадагшаа явах мөнгөө хүртэл яаж хулгайлж чадаж байна аа. Хөрөнгийнх нь эх үүсвэрийг АТГ сайн шалгах хэрэгтэй
Хариулах
59.153.112.51
Энэ новшнууд арай дэндлээ. Хүлцэнгүй байсаар байгаад дуусах юм байна л даа
Хариулах
117.111.5.141
Үнэн юм уу. Тийм шудрага сэтгэлтэй төрийн албан хаагч Монголд байлаа юу
Хариулах
103.212.119.80
Шууд шоронд хий. Үгүй бол тэгээд хахаж цадталаа хулгайлж идэцгээ
Хариулах
59.153.85.86
Нэг намын дан ганц ноёрхол маш их хууль зөрчсөн үйлдэл гаргадаг. Сөрөг хүчний хяналт маш их хэрэгтэй. Орон нутгийн сонгуульд сөрөг хүчний эвсэл ялар ёстой
Хариулах
66.181.161.107
Аргагүй л сонгууль дөхжээ. Сэтгүүлч нар шантаажны мэдээгээ бичээд эхэлсэн байна.
Хариулах
202.9.47.31
Дагва гэдэг хүн СХД-ээс сонгогдсон. Намын харьяаллаар иргэдийг ялгаварлан гадуурхаж байдаг. СХД-н 20-р хорооны хэсгийн ахлагч нарыг сонгуульд ажиллуулах нэрээр тэтгэвэрт гарсан хөдөлж чадахгүй хөгшин авгайчуудыг ажиллуулсан болж байна. Тэд нар нь халамжийн журмаар ирсэн 2 кг будаа ч байсан өөрсдөө авч хамаатан садан, өөрийн хүүхдүүд, найз нөхөддөө тараахаас өөр ажил хийдэггүй. 20-р хороог гутамшиг болгосон хэрүүлч тэтгэврийн хөгшин авгайчууд байна. Монгол улсад 55-60 насанд тэтгэвэрт суудаг хуультай. Энэ хууль намын нэрээр хэрэгжихгүй байна. Тэд нар нь хэрүүлээр намынхаа нэрийг бүүр доош унагаж байгаа шүү дээ. Шударга МАН-н гишүүдэд энд гишгэх газар байхгүй. Үүнийг СХД-н засаг дарга, 20-р хорооны засаг дарга нар мэпэж байгаа. Залуу боловсон хүчин зөндөө байхад хэрүүлч, боловсролгүй, тэтгэврийн эмгэнүүдээр МАН яадаг байнаа.
Хариулах
66.181.161.124
110 сая нь 113 са болоод буцаад дансандаа тушаагдсан л бналэшд, төрийн мөнгийг арвижуулсан Дагва даргад харин баяр хүргэцгээе хэхэ
Хариулах
202.179.15.10
НИТХд нам намын төлөөлөл байгаа. Ганц хүн өөртөө шийдвэр гаргуулаад мөнгө идэж уух ямар ч боломж байхгүй баймаар юм даа.
Хариулах
103.212.119.147
Зариг мундаг дайчин шүү
Хариулах
202.126.88.37
ЗАРИГ маш зөв сэдвээражиллаж байгаад талархал илэрхийлье монголд төр нь зах замбраа алга болжээ
Хариулах
66.181.161.57
zarig mundag bna amjilt ilvv olon bulhaig n ilchleed hariutslaga noogduulah hvrtel n arga hemjee awaarai zarigiinhand amjilt hvsey
Хариулах
70.181.124.42
Alban tushaaliin gent heregt onooh shiitgeliig changatgah heregtei.olon ulsiin hundlungiin haraat bus audit oruulj olon hiihed dyng ileer medeelel heregtei
Хариулах
43.242.241.194
мөшгөөд бай мөшгөөд бай. эд нар бүүр давсарч өгч байнааа
Хариулах