УИХ-ын чуулганы хуралдааны үеэр өвөлжилтийн бэлтгэл ажилтай холбоотой асуудлыг хөндлөө. Шадар сайд Я.Содбаатар “Анхны цаснаар бэлтгэл хангаад байгаа юм биш. Долдугаар сард өвөлжилтийн бэлтгэл хангах ажлын хэсэг байгуулагдсан. Энэ ажлаар би 10 аймагт ажилласан. Олон жил хуримтлагдсан асуудал их байна. Энийг нэг далайлтаар шийдэж чадахгүй. Тухайлбал, нийслэлийн түгжрэлийн асуудал. Төр засгийн алдаа оноотой бодлого өнөөдрийн байдалд хүргээд байна” гэв. Хүнс, хөдөө аж ахуйн сайд З.Мэндсайхан “Махны үнийг ирэх жил ястай, ясгүйгээс хамаараад 5500-7500 төгрөгийн хооронд байлгана. Үнийг энэ түвшинд барихад шаардлагатай нөөцөө бүрдүүлэх чиглэлд анхаарч байна. Мөн мах бэлтгэх ААН-үүдэд зээлийн хүүгийн хөнгөлөлт зориулсан тодорхой хэмжээний хөрөнгө төсөвт суусан байгаа. Төв, суурин газрыг хүнсний ногоогоор бүрэн хангахад шаардлагатай хадгалах зоорь чухал байна. 20 мянган тоннын хөргөлттэй агуулахын ТЭЗҮ-г хийчихсэн байгаа” гэлээ.
Сэтгэгдэл (0)
Сэтгэгдэл бичигдээгүй байна