Сэлэнгэ аймгийн иргэн Ц хаанаас халдвар авав? энэ асуултад өнөөдөр хэн ч хариулж чадахгүй байна. 2020 оны арваннэгдүгээр сарын 12-нд Сэлэнгэ аймгийн Сүхбаатар сумын дөрөвдүгээр багийн иргэн 74 настай иргэн Ц нь өндөр халуурч аймгийнхаа эмнэлэгт хандахад коронавирусын халдвартай болох нь хоёр удаа шинжилгээгээр баталгаажсан. Түүний шинжилгээг ХӨСҮТ-д дахин хийхэд мөн л коронавирусын халдвар тээгч болох нь тогтоогдсон юм. Түүний ойрын хавьтагч болох 31 хүнээс шинжилгээ авахад бэр, ач хүү нараас нь коронавирус илэрлээ. Хамгийн эгзэгтэй нь түүний бэр Д нь 29 хүүхэдтэй ангийн цэцэрлэгийн багш байжээ. Засгийн газар өнөөдөр өглөө 10:30 минутад шуурхай хуралдсан. Сэлэнгэ аймгийн иргэн хаанаас хэзээ халдвар авсан бэ гэдгийг тогтоохоор ажиллаж байна. ЗГ-ын түвшинд хамгийн их санаа зовоосон асуудал нь Сэлэнгэ аймагт үүссэн нөхцөл байдао болоод байгаа аж.