2020/11/26
USD 2,811

Баримт:Хандивын мөнгөнөөс хилийн чанадад байгаа монголчуудад 300 сая төгрөг шилжүүлжээ

Н.Мичидмаа
2020/11/16

Улсын онцгой комисст хандивласан хандивын мөнгөнөөс гадаад улс орнуудад санхүүгийн бэрхшээлд орсон Монголчуудад 300 сая төгрөгийг "Монгол улсын хилийн чандад байгаа Монгол улсын иргэдэд туслах сан" нэртэй газарт шилжүүлжээ. Тодруулбал энэхүү тушаал нь Монгол улсын Шадар сайд Я.Содбаатарын гарын үсэгтэйгээр 2020 оны наймдугаар сарын 18-ны өдрийн албан бичгээр баталгааждаг. Одоогоор санхүүгийн бэрхшээлд орсон зорилтот бүлгийнхэндээ хүрч чадсан эсэх нь эргэлзээ төрүүлж байна.

Энэхүү албан бичигт дурдсанаар "Дэлхий даяар тархсан коронавируст цар тахлын үед хилийн чандад байгаа Монгол Улсын иргэдээс санхүүгийн хүндрэлийн улмаас тодорхой шалгуурыг хангасан зорилтот бүлгийн иргэдэд зориулан 300 сая төгрөгийг Улсын онцгой комисст олгосон хандивын мөнгөнөөс олгосугай" гэжээ.

Дээрх бичигт дурдсанчлан “тодорхой шалгуурыг хангасан” гэдэгт ямар шалгуур байх нь тодорхойгүй тул, зорилтот иргэддээ хүрч чадсан эсэх нь эргэлзээ төрүүлж байгаа юм.

Шилэн дансны мэдээлэлд орсноор 300 сая төгрөгийг ГХЯ-наас хилийн чандад байгаа иргэдэд туслах сан руу шилжүүлсэн байна.