Монгол Улсын Ерөнхийлөгч Халтмаагийн Баттулга цар тахал дотоодод алдагдан тархсан энэ үед хатуу буюу 2020 оны арванхоёрдугаар сарын 01-ний өдрөөс 2021 оны нэгдүгээр сарын 01-ний өдрийн дотор иргэдийн орлогыг дэмжих хөтөлбөр хэрэгжүүлэх, ингэхдээ 200,000 төгрөгийг бэлнээр олгож, үлдсэн 800,000 төгрөгийг зөвхөн үндэсний үйлдвэрлэгчээс архи, согтууруулах ундаа, тамхины төрлөөс бусад бараа, бүтээгдэхүүн худалдан авах эрх бүхий ваучераар (эрхийн бичиг) олгох хэрэгтэй гэж Монгол Улсын Ерөнхий сайдад хандсан юм.
Энэ асуудлаар Засгийн газар хуралдаж өрх бүрт сая төгрөгийн дэмжлэг үзүүлэх боломжгүй гэх хариуг Монгол Улсын Ерөнхийлөгч Х.Баттулгад өгөхөөр болжээ.
Харин иргэдийн зээлийг хойшлуулахаар болж байгаагаа хариу бичигтээ өгүүлэхээр болсон байна.