Х.Нямбаатар: Надад сувилал байтугай түрээсийн нэг өрөө байр ч байхгүй

Хууль зүйн сайд Х.Нямбаатар: Энхсаран сувилалтай холбоотой олон хүнийг эрсдэлд оруулсан энэхүү сувилалын газрыг шалгах талаар Шадар сайд үүрэг болгосон. ЦЕГ-аас шалгалтын ажиллагаа явуулж өнөөдөр хэрэг бүртгэлт нээн шалгуулах хүсэлтийг прокурорын байгууллагад өгсөн. Хэрэг шалгалтын хүрээнд 10 сектор холбогддог. Өөрөөр хэлбэл, хувийн секторын, ОБГ, ЭМЯ-ны гэсэн 10 гаруй хүн онцгой байдлын дүрэм журмыг зөрчсөн байх магадлалтай. Маргаашнаас дээрх 10 гаруй хүнийг дуудаж мэдүүлэг авна. Энхсаранд гаднаас эд зүйл худалдаж аваад зөөж оруулдаг ийм зүйл тогтоогдсон. Бөөнөөрөө сууж лайв хийсэн, нийтийн нэг усанд ордог газартай байсан гэх зүйлүүд тодорхой болж эхэлсэн. Надтай холбож, Энхсаран сувиллыг минийх гэсэн мэдээлэл байсан. Надад ийм сувилал байтугай түрээсийн нэг өрөө байр ч байхгүй.