2021/01/20
USD 2,811

Дотооддоо 235 иргэн халдварлаж, голомтлон тархаад байна

Н.Мичидмаа
2020/11/24

Эрүүл мэндийн яамнаас ээлжит мэдээллээ хийж байна. ХӨСҮТ-ийн тандалт судалгааны албаны дарга А.Амбасэлмаа: Нийт 4335 хүнд шинжилгээ хийхэд 32 хүнээс коронавирус илэрчээ. Ингэснээр Монгол улсад батлагдсан 672 тохиолдол боллоо. Улаанбаатарт 3 тохиолдол нэмэгдэж 54 тохиолдол боллоо. Буянт-Ухаа хороололд анхны батлагдсан тохиолдолтой хамт хүүхдийн төрсөн өдөрт очсон иргэн, Төмөр замын ӨЭМТ-ийн сувилагч, өмнөх батлагдсан тохиолдолтой ойрын хавьтал болсон буянт-ухаа хорооллын иргэн байна.
Сэлэнгэд 26, Говьсүмбэр аймагт 3 хүний сорьцод коронавирус илэрлээ. Мөн Алтанбулагийн боомтоор ирсэн нэг хүний давтан шинжилгээнд коронавирус илэрсэн. Ийнхүү улсын хэмжээнд бүртгэгдсэн халдварын тоо 672, дотоодод тархсан халдвар 235 боллоо. Үүнээс биеийн байдал хүнд 2 хүн, хүндэвтэр 44 хүн, хөнгөн 277 хүн байна. 

Шинээр батлагдсан хүмүүс ойрын болон дам хавьтал буюу хамт үзвэр үзсэн, хамт хоол идсэн, караокед орсон, бариа засал хийсэн гэх мэт замаар халдвар авсан юм.