2021/01/19
USD 2,811

Булган аймгаас Улаанбаатарыг зориод сураггүй болсон хоёр иргэний цогцсыг олжээ

Н.Мичидмаа
2020/11/27

Булган аймаг, Хангал сумын Хялгант тосгоны 4 дүгээр баг “Сэлэнгэ” гэх нэртэй амралтын газрын барилгын засварын ажил гүйцэтгэж байсан Улаанбаатар хотын Сонгинохайрхан дүүргийн харьяат иргэн М /44 настай, эрэгтэй/, М /43 настай, эрэгтэй/ нар 11.10-ны өдрийн 15:00 цагийн орчим тухайн амралтын газраас Улаанбаатар хот руу “Приус-20” загварын суудлын автомашинтай яваад сураггүй болжээ. Улмаар, Онцгой байдлын албанд эрэн хайх ажиллагаанд дэмжлэг үзүүлж хамтран ажиллах тухай хүсэлтийг 11.20-ны өдөр цагдаагийн байгууллагаас хүлээн авсан бөгөөд тухайн өдөр эрэн хайх ажиллагааг зохион байгуулсан боловч үр дүнд хүрээгүй тул зогсоож 11.25-ны өдөр хайх үйл ажиллагааг дахин эхлүүлжээ. Булган аймгийн Онцгой байдлын газрын Хангал сумын Хялганат тосгон дахь Гал түймэр унтраах, аврах 50 дугаар анги, Цагдаагийн хэлтсийн алба хаагчид, ар гэрийнхэн эрэн хайх ажиллагааг зохион байгуулж Сэлэнгэ голын бетонон гүүр гэдэг газраас (Хялгант тосгоны төвөөс зүүн зүгт 2 км-т)  Сэлэнгэ голын усанд автомашинтайгаа живж нас барсан байсныг 17:40 цагт олсон байна.Иргэдийн цогцсыг уснаас гарган цагдаагийн байгууллагад хүлээлгэн өгчээ.