УИХ-ын хуралдаанаар Гаалийн албан татвараас чөлөөлөх тухай хуулийн төсөл /Засгийн газар 2020.11.20-ны өдөр өргөн мэдүүлсэн/-ийг хэлэлцэв.
Сангийн сайд Ч.Хүрэлбаатар: Өргөн мэдүүлсэн хуулийн төсөлд “Монгол Улсын нутаг дэвсгэрт боловсруулсан ургамлын тос, бүх төрлийн хүнсний будааг /цагаан будаа, гурвалжин будаа, шар будаа, бусад/ нэмэгдсэн өртгийн албан татвараас тус тус чөлөөлөхөөр байгаа. Эдгээр хөнгөлөлтөөс нийт 39 тэрбум төгрөгийн орлого буурна. Мөн Импортлогчдыг зөвхөн татвараас чөлөөлөөгүй. Монгол Улсын нутаг дэвсгэр дээр боловсруулсан ургамлын тос, дотооддоо үйлдвэрлэсэн бүх төрлийн малын тэжээл, бүх төрлийн хүнсний будааг НӨАТ-аас тус тус чөлөөлнө. Вакцин ч гэсэн НӨАТ-аас чөлөөлөгдсөн. Энэ асуудлыг УИХ шийдсэн. 2020 оны дөрөвдүгээр сарын 9-нд УИХ-аас холбогдох хуулийг баталсан. Энэ хууль 2021 оны арванхоёрдугаар сарын 31-нийг дуустал хэрэгжинэ.