Я.Содбаатар: Халдвар алдах эрсдэл үүсгэсэн 13 хүнд эрүүгийн хэрэг үүсгэн, шалгаж байгаа

Коронавирусын халдвар дотооддоо тархаж 429 иргэн халдварлаад байна. Манай улс дотооддоо алдсан шалтгаан нь Энхсаран сувилал дундаа нэг усанд ордог газартай, нэг нэгнийхээ өрөөгөөр орж гардаг байсан гэх мэдээлэл нь олны эгдүүцэл төрүүлээд байгаа юм. Мөн төмөр замчдын дунд олон хүн хамруулсан тэмцээн гурван өдрийн турш зохион байгуулсан нь төмөр зам дагасан голомт үүсэх шалтгаан болсон гэж үздэг. Тэгвэл эдгээр асуудлын эздэд хариуцлага тооцох эсэх асуудлаар Шадар сайд мэдээлэл өгөв.

Шадар сайд Я.Содбаатар: Халдварыг дотроо алдах эрсдэл үүсгэн ажил үүргийн хариуцлага алдсан 13 хүнд эрүүгийн хэрэг үүсгэн шалгаж байгаа. Халдвараас сэргийлэх онцгой нөхцөлд ажиллаж байгаа мэргэжилтнүүддээ хариуцлага тооцох тухай ярих амаргүй ч гэлээ энэ асуудлыг хууль хяналтын байгууллагынхан шалгаж байна.Тодруулбал, төмөр зам, Энхсаран сувилалд гарсан халдварын тохиолдолтой холбоотой асуудлыг УОК-ын хүрээнд ярилцаж алдаа гарсан хүнд нь хариуцлага тооцно.