Я.Содбаатар: Онцгой байдлын алба хаагчдад 800 мянган төгрөгийн нэг удаагийн урамшуулал олгож байгаа

Шадар сайд Я.Содбаатар: Онцгой байдлын алба хаагчид, цаг наргүй, өдөр шөнөгүй ажиллаж байна. Тиймээс эдгээр алба хаагчдын цалин урамшууллыг нэмэх шийдвэрүүд гарч ажил хэрэг болж байгаа. Онцгой байдлын алба хаагчиддаа нэг удаа 800 мянган төгрөгийн буюу нэг удаагийн үндсэн цалингаар нь урамшуулал олгож, өнөөдрөөс дансанд нь орж байгаа. Энэ цар тахлын үед ажиллаж байгаа хүмүүст байрны хөнгөлөлт үзүүлэх асуудал нь өмнөх Шадар сайдын үед хэрэгжиж байсан. Мөн намайг ажлаа авахад цөөн тооны квот үлдсэн байсан. Гэхдээ энэ асуудлыг шийдвэрлээд цаашид ч явагдана. Ялангуяа аврах анги дээр шүүмжлэл байгаа учраас шийдвэрлэж ажиллана.