Харилцаа холбоо, мэдээллийн технологийн газрын дарга Б.Болор-Эрдэнэ: ОУ-ын туршлагаас судлахад GPS, Bluetooth, QR кодыг ашиглан тандалтын судалгаа хийдэг. Хамгийн аюулгүй хувилбар нь QR кодоор хамгийн их хэрэглэгчтэй буюу 1,7 сая хэрэглэгчтэй и баримтын аппликейшн дээр нэмэлт хөгжүүлэлт хийсэн. QR.119.mn хаягаар орж газрын зураг дээр байгууллагын байршлаа оруулж, байгууллагынхаа QR кодоо үүсгэнэ. Үйлчилгээний байгууллага QR кодыг үүдний хэсэгт байршуулж, иргэд тухайн байгууллагад орохдоо QR кодоо уншуулж, вирус илэрлээ гэхэд утсан дээр маш богино хугацаанд мэдээлэл ирнэ.