Ц.Ганзориг: Нутаг буцах хүсэлтэй 100 гаруй мянган иргэн бий

Улсын онцгой комиссын хуралдаан өнөөдөр /2020.12.03/ боллоо. Хуралдаанаар хэлэлцсэн асуудал болон гаргасан шийдвэрийн талаар танилцууллаа. Манай сэтгүүлч хөдөө орон нутаг руу явах иргэдийн талаар асууж, тодруулсан юм.

Засгийн газрын хэвлэл мэдээллийн албаны дарга Ц.Ганзориг: Анх нутаг буцах хүсэлтэй 27 мянган гаруй хүн байна гэж урьдчилан таамаглаж байсан. Гэвч буцах иргэд 80 мянга давж, өнөөдрийн байдлаар 100 мянга болоод байна.  Тиймээс сайтын хандалт 3-4 дахин нэмэгдсэн. Ажлын хэсгийнхэн сайтын уг ачааллыг тооцоолоогүй байсан учраас алдаа гарсныг хүлээн зөвшөөрнө. Жишээ нь нэг цагт 700 иргэн явах ёстой байсан боловч цаг аваагүй хүмүүс ирсэн, мөн 119.mn сайт унасан гэх мэт алдаа дутагдлууд гарсан. 12-р сарын 10 гэхэд 100 мянга гаруй иргэнээ орон нутаг руу явуулах ажилд бэрхшээл гарсныг засаж залруулаад ажиллаж байна.Аль аль талдаа алдаа гарсан асуудлыг хүлээн зөвшөөрнө.