УИХ-ын гишүүн Н.Алтанхуяг: Дөнгөж сая л мөнгө байхгүй гэж уйлж, ерөнхийлөгчийн хоригийг буцааж төсвөө баталсан. Гэтэл тогтоол дээрээ Эрдэнэт үйлдвэрээс нийгмийн хариуцлагын хүрээнд мөнгө авч жорлон янзална гэх юм. Улс орон нэг л төсөвтэй байх ёстой. Эрдэнэт үйлдвэрээс гаргуулж болно. Гэхдээ төсөвт суутгаад орлого зарлагаасаа хасаад, татвараа төлөөд, улсын төсөвт 100 тэрбум төгрөгийг оруулж ирчихээд, жорлонг янзлах хэрэгтэй. Ийм үед 48 мянган аж ахуй нэгж байгууллага 5,6 тэрбум өгөөч гэж гуйж байхад байхгүй гэсэн мөртлөө 100 тэрбумаар жорлон янзлах гээд төсөв нь батлагдсаны дараа тогтоолоор оруулж ирэх юм. Жавхлан дарга Эрдэнэт үйлдвэрийн Бадамсүрэнтэй гар бариад 100 тэрбум авахаар боллоо гэх юм. Нийгмийн хариуцлагын хүрээнд гээд компанийг албадан ийм их хэмжээний мөнгө авч болохгүй шүү дээ. Хэрэв үүнийг тогтоол хэвээр нь батлах юм бол хууль зөрчсөн үйлдэл болно.
Сэтгэгдэл (0)
Сэтгэгдэл бичигдээгүй байна