Д.Нарангэрэл: 119.mn сайт ажиллахгүй гацаж байгаа, Интер актив компаниас мэдээлэл өгнө

Хөдөө орон нутаг руу буцах хүсэлтээ өгсөн 100 гаруй мянган иргэн байгаа талаар ЗГ-аас мэдээлсэн. Хөдөө буцах иргэд заавал коронавирусийн шинжилгээнд хамрагдаж, шинжилгээнийхээ хариугаа авч байж, хотоос гарах боломжтой болно. Гэвч тухайн иргэдийн шинжилгээний хариу удааширч, зарим нь долоо хоногийн хугацаанд шинжилгээний хариугаа хүлээж байгаа талаараа хэлж байна. Харин ЭМЯ-наас сэтгүүлчид өглөө бүр тодруулахад  болж байгаа эсвэл тус сайтыг хариуцдаг Интер актив компани мэдээлэл өгнө гэх мэтээр бөөрөнхийлж, холдуулсаар олон хонож байна. Өнөөдөр дахин сэтгүүлчийн асуултад дараах хариултыг өглөө.

ЭМЯ-ны албаны дарга Д.Нарангэрэл: Интер актив компаний 119.мн цахим сайт ажиллахгүй гацаж байгаа. Удахгүй тус компаниас мэдээлэл өгөх байх гэх тайлбарыг өглөө. Иргэд шинжилгээгээ өгөөд хариу нь гараагүй хүлээх хугацаандаа коронавирусээр халдварлачих вий гэсэн эрсдэл бий болж байна. Иргэдийн шинжилгээний хариу гар утсанд нь мессежээр ирэх талаар ЭМЯ мэдээлсэн ч хариу нь гараагүй  иргэд  хүлээлтийн байдалтай, ЭМЯ ч дүлий байдлаар олон хонолоо.