2021/01/16
USD 2,811

Х.Нямбаатар: Тагнуулын даргын компани дээр татварын акт тавьсны төлөө татварын хэлтсийн даргыг шоронд явуулж байсан юм билээ

Н.Мичидмаа
2020/12/11

Хууль зүйн сайд Х.Нямбаатар: Хууль хүчний байгууллага олгогдсон эрх хэмжээгээрээ далайлган сүрдүүлдэг, улс төрийн дарамт шахалт үзүүлдэг. Эд материалыг нь булаан дээрэмддэг ийм тогтолцоог бид халъя гэдэг дээр бүгд санал нэгдэж байгаа. Өнгөрсөн 2012-2016 онд энэ байдал хавтгайраад иргэдийн бухимдал дээд цэгтээ хүрсэн шүү дээ. УЕП нь АТГ-ын дарга нь, тагнуулын дарга нь бизнэсмэнүүдийг булаадаг, дээрэмддэг явдал гаарсан. Өөрийнх нь компани дээр татварын акт тавьсны төлөө Тагнуулын дарга нь Татварын хэлтсийн даргыг хэдэн жил шоронд явуулсан шүү дээ. Эхнэрийг нь дуудаж өмнөөс нь уучлалт гуйлгаад хорих ялыг нэг жил хасууллаа гэж байсан. Өөрийнхөө бизнесийн өрсөлдөгчийн цахилгааны шугамыг дэлбэлье гэдэг ийм шийдвэр хүртэл гарч байсан. Үлгэр домог шиг л зүйл яригддаг. Намайг энэ ажлыг хариуцаад ажиллаж байхад ийм зүйл гаргахгүйн төлөө ажиллана. Нэн яаралтай шүүхийн хуулийг баталж ШЕЗ, шүүгчийн сахилгын хороо гэдэг бүтэц тогтолцоог их хуралд зөв нээлттэй сонгон шалгаруулдаг энэ чиг үүргийг бий болгомоор байна.