2021/01/23
USD 2,811

ХӨСҮТ: Улаанбаатарт 5 хүнээс коронавирус илэрсний 2 нь Баянзүрх дүүргийн эмнэлэгт хэвтэж байсан

Н.Мичидмаа
2020/12/17

ХӨСҮТ-ийн Тандалт судалгааны албаны дарга А.Амбасэлмаа:Нийт 10599 хүнд шинжилгээ хийлээ. Үүнээс таван хүний шинжилгээнд коронавирус илэрлээ. Тодруулбал, Улаанбаатар хотод илэрсэн бөгөөд гурван хүн нь батлагдсан тохиолдлын ойрын хавьтал байна. Харин хоёр тохиолдол нь Баянзүрх дүүргийн эмнэлэгт эмчлүүлж байсан иргэд байгаа. Тухайн иргэдийг эмнэлэгт хэвтэх үед түргэвчилсэн шинжилгээ авахад хариу нь сөрөг гарч байсан. Харин давтан шинжилгээнд коронавирус илэрсэн. Бид өчигдөр 18 цагаас өнөөдрийг хүртэл ажиллаад ойрын хавьтал 69 хүнийг тусгаарласан байна. Мөн 171 хүнд шинжилгээ хийхэд коронавирус илрээгүй. Тандалт судалгаа үргэлжилж байгаа. Улаанбаатар хотод батлагдсан тохиолдол 145 боллоо.Баянзүрх дүүргийн эмнэлэгт хэвтэн эмчлүүлж байсан хоёр иргэний шинжилгээнд 4-5 хоногийн дараа халдвар илэрсэн.