Ж.Ганбаатар: Алдаа гаргачихаад онцгой байдал тогтооно, хаана гэж байгаа нь буруу

УИХ-ын чуулганы нэгдсэн хуралдаан эхэллээ. Хуралдаанаар  Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг шийдэж байна. Хуулийн төслийг Шадар сайд Я.Содбаатар танилцууллаа.

Гишүүд асуулт асууж, үг хэлэв.

УИХ-ын гишүүн Ж.Ганбаатар: Ажлын байр, ядуурал, хүний хөдөлмөрлөх сэтгэлгээ гэсэн асуудлуудыг түр хороо хэлэлцсэн. Монголбанкнаас санаачилга гаргаж байгаа. Засгийн газар үүнийг дэмжмээр байна. Бодлогын хүү 11-ээс зургаа хүртэл буурч, 8 их наяд төгрөг цугласан. Үүнийгээ зөв зарцуулж чадахгүй байна шүү дээ. Зах зээл дээр мөнгө байхгүй байна. Хатуухан хэлэхэд өөрсдөө алдаа гаргачихаад онцгой байдал тогтооно, хаана гэж байгаа нь буруу.