УИХ-ын гишүүн Т.Доржханд цаг үеийн асуудлаар мэдээлэл хийлээ.УИХ-ын дарга Г.Занданшатарт ажлын байрыг хамгаалах тухай тогтоолын төслийг өргөн барих талаар мэдээллээ.
УИХ-ын гишүүн Т.Доржханд : Гурван их наяд төгрөгийн эх үүсвэрийг зарцуулах боломж байна. Өнөөдөр Монгол банкинд 7,6 их наяд төгрөг байна. Банкууд нь мөнгө гаргадаггүй. Мөнгө гаргах юм бол дампуурна гэсэн айдастай л байна. Энэ үед Засгийн газар идэвхитэй ажиллах хэрэгтэй байна. Гурван их наяд төгрөгийг төв банкны үнэт цаасны хүү буюу бодлогын хүү 5 хувьтай байгаа. Энэ үед Засгийн газар үнэт цаас гаргах боломж бий. Ийм байдлаар ямар нэгэн зээлийн хүүгийн хязгаар хүчээр тогтоох бус, зах зээлийн зарчмаар банкинд байгаа эх үүсвэрүүдийг бизнест шахах ажлыг хийх хэрэгтэй. Үүнийг Засгийн газар хийх бөгөөд бонд гаргаж арилжина. Төв банкинд байгаа эх үүсвэрийг татаж авна. Үүнийг хүү нэмэхгүйгээр жилийн 5 хувийн хүүтэй, хамгийн багадаа гурван жилийн хугацаатай, эхний нэг жилд нь зөвхөн хүүгийн төлбөр төлөх нөхцөлтэйгээр гаргах хэрэгтэй. 2008,2009 оны эдийн засгийн хямралаар 140 мянган ажлын байр алдаж байсан. Гэхдээ урт хугацаатай зээлэнд нэг ч ажлын байр алдаагүй. Тиймээс энэ арга хэмжээг хэрэгжүүлснээр 200 мянган ажлын байрыг бүрэн хамгаалах боломжтой. Жижиг дунд үйлдвэрлэл, бичил бизнес эрхлэгч нарт зориулж энэ бодлогын арга хэмжээг яаралтай авч хэрэгжүүл гэдэг зөвлөмжийг Засгийн газар өгч байгаа. Мөн УИХ-ын тогтоолыг санаачилж өгч байна гэлээ.
Сэтгэгдэл (0)
Сэтгэгдэл бичигдээгүй байна