УИХ-ын гишүүн С.Одонтуяа: Миний бие УИХ-ын гишүүнийхээ хувиар “Бид эх орондоо харимаар байна” гэдэг суултыг Төрийн ордны хоёрдугаар давхарт эхлүүлж байна. Коронавирусын ца тахалтай холбоотойгоор гадаад байгаа маш олон Монголчууд эх орондоо ирж чадахгүй нөхцөлд хүнд хэцүү байгаа.Өнгөрсөн хугацаанд нэлээдгүй олон нислэг хийгдсэн ч гэлээ сүүлийн үед нислэг хийгдэхгүй, товлосон нислэгүүд цуцлагдаж байгаа. Үүнээс үүдээд иргэдийн амь нас, аюулгүй байдал эрсдэлд ороод байна. Дан ялангуяа БНСУ-аас ирэх хүсэлтэй 4,000 гаруй иргэн байгаагаас 1,000 гаруй хүний нөхцөл байдал туйлын хүнд хэцүү байна. Олон хүмүүс өлсгөлөн зарлаж байна. Хүүхэд, өндөр настан, жирэмсэн хүмүүс эх орондоо ирэхээ тэсэн ядаж хүлээж байгаа. Зарим нь эх орондоо ирж чадалгүй нас барсан харамсалтай тохиолдол ч нэгдүгээр сарын 15-нд гарсан шүү дээ. Энэ улсад хүний эрх зөрчигдөхийг хараад зүгээр сууж болохгүй. ХЭҮК-оос ч гадаадад байгаа иргэдийн эрх зөрчигдөж байгаа талаар УОК-т шаардлага хүргүүлсэн. Өнөөдөр миний бие ҮАБЗ-д шаардлага хүргүүлж, Төрийн ордны хоёрдугаар давхарт суултаа үргэлжлүүлнэ гэлээ.
°C
Сэтгэгдэл (50)