Шинэ Ерөнхий сайд Л.Оюун-Эрдэнийн Засгийн газарт орж ажиллах сайд нарыг МАН-ын удирдах зөвлөлөөр хэлэлцэж дууссан.
Байгаль орчин аялал жуулчлалын сайдад Н.Уртнасан дэмжигдсэн юм.
Тэгвэл Н.Уртнасан гэж хэн бэ?
Нямжавын Уртнасан нь сэтгүүлч мэргэжилтэй нэгэн. Өмнө нь МҮОНРТ-ийн Нийгэм эдийн засгийн редакц, Шинэ дэлхий телевизэд гүйцэтгэх захирлаар ажиллаж байсан. Тэрбээр Юни солар ХХК-ийн Ерөнхий захирал, НАМЭХ-ны УЗ-ийн гишүүнээр ажилладаг аж.
Боловсролын байдал
1993 онд Дархан хотын 17 дугаар дунд сургууль,
1994-1998 онд МУИС-ийг Сэтгүүл зүйн чиглэлээр төгссөн.
2002-2003 онд Япон улсын Токушима хотын JRT TV (Japan Radio Television) телевизэд сэтгүүлчийн мэргэжлийн дадлага,
2005 онд ХБНГУ-ын Deutsche Welle (DW TV) телевизэд мэргэжил дээшлүүлэх сургалт,
2008-2013 онд БНСУ-ын KBS, MBC телевизүүдэд мэргэжлийн сургалтад тус тус хамрагдсан.
Ажилласан байдал
1998-2000 онд Eagle TV телевизэд сэтгүүлч, мэдээний албаны дарга,
2000-2010 онд МҮОНРТ-ийн Нийгэм, эдийн засгийн редакцид сэтгүүлч, редактор,
2010-2013 онд “Шинэ дэлхий” телевизийн Мэдээний албаны дарга, Гүйцэтгэх захирал
2013 оноос хойш “Юни Си энд Си” ХХК-ийн Маркетингийн захирал,
2016 оноос “Юни солар” ХХК-ийн Ерөнхий захирлаар ажиллаж байна.
Сонгуульт ажил
2014 оноос “Сайн сэтгүүлч боловсрол” сангийн Үүсгэн байгуулагч, сангийн Тэргүүн,
2019 оноос НАМЭХ-ны Удирдах зөвлөлийн гишүүнээр тус тус ажилладаг.
Сэтгэгдэл (0)
Сэтгэгдэл бичигдээгүй байна