Л.Оюун-Эрдэнэ: Нийслэлийн онцгой комисс ийм байдалтай ажиллаж болохгүй, хотоо цэгцлэх цаг болсон байна

Өчигдөр буюу хоёрдугаар сарын 01-нд МУ-ын Ерөнхий сайд Л.Оюун-Эрдэнэ, Шадар сайд С.Амарсайхан нар ОБЕГ-ын үйл ажиллагаатай танилцсан билээ. Төлөвлөгөөний дагуу Ерөнхий сайд, Шадар сайд нар ОБЕГ-ын үйл ажиллагаатай танилцаад дараа нь Нийслэлийн ЗДТГ-ын үйл ажиллагаатай танилцаж, хотын удирдлагуудтай уулзах байжээ.
Гэвч Ерөнхий сайд Л.Оюун-Эрдэнэ, Шадар сайд С.Амарсайхан нар Нийслэлийн Засаг даргын тамгын газар очиход хотын мээр Д.Сумъяабазар Ерөнхий сайд, Шадар сайд нарыг хүлээж аваагүй байна. Харин түүний оронд хотын даргын нэгдүгээр орлогч Ж.Сандагсүрэн гарч ирж уулзсан аж. Тиймээс Ерөнхий сайд, Шадар сайд нар НЗДТГ-т нэг минут дөчин секунд саатаад буцжээ.
Энэ үеэр Ерөнхий сайд Л.Оюун-Эрдэнэ "Нийслэлийн онцгой комисс ийм байдалтай ажиллаж болохгүй, хотоо цэгцлэх цаг болсон байна" гэж ширүүхэн хэлсэн юм.