Сэлэнгэ аймгийн Мандал сумын ЕБС-ийн гурван багш нийлж хоёр сурагч охиныг Зүүнхараад байх Нарны-Өртөө гэх зочид буудалд дуудаж хүчиндсэн байж болзошгүй хэргээр цагдаагийн байгууллагад шалгагдаж байгаа юм.
Энэ асуудлаар манай сэтгүүлч Н.Өнөрцэцэг БСШУ-ны сайд Л.Энх-Амгалангаас тодрууллаа.
Сэлэнгэ аймгийн Мандал сумын ЕБС-ийн гурван багш нийлж сурагч охидыг хүчирхийлсэн байж болзошгүй гэх хэргээр Цагдаагийн байгууллагад шалгагдаж байгаа юм байна. Энэ асуудал дээр танд мэдээлэл бий юу?
-Надад мэдээлэл ирсэн. Нэгдүгээр сарын 25-ний шөнө ийм хэрэг гарсан юм байна. Ийм сэтгэл эмзэглүүлсэн хэрэг гарсанд нийт сурган хүмүүжүүлэгч, багш нарынхаа нэрийн өмнөөс хүлцэл өчиж байна. Алдаа дутагдал гаргасан ийм хэрэг гарсан юм билээ. Сэлэнгэ аймгийн Мандал сумын хоёр сургуулийн гурван багш нийлж 12 дугаар ангийн хоёр сурагчтайгаа хууль бус харилцаанд орсон байж болзошгүй гэх хэргээр цагдаагийн байгууллагад шалгагдаж байгаа юм байна. Цагдаа хууль хүчний байгууллагууд тодорхой мэдээллүүд өгөх байх.
Сэтгэгдэл (0)
Сэтгэгдэл бичигдээгүй байна