Эрдэмтэд хөл хориог энэ Бямба гаригаас эхлэн 14 хоног тогтоох хэрэгтэйг зөвлөсөн. ЭМЯ-наас ч Улаанбаатар хотод хөл хорио тогтоох тухай саналыг Улсын онцгой комисст хүргүүлсэн.
Улсын онцгой комисс өчигдөр хуралдаж, асуудлуудыг хэлэлцсэн бөгөөд хөл хорио тогтоох эсэх асуудалд шийдэлд хүрч чадаагүй учир хойшлуулаад байсан юм.
Харин өнөөдөр УОК-оос дахин хэлэлцэж, хуралдахаар 17:30 цагт товлоод байсан ч 18:30 цагт хуралдаан эхэлсэн юм.
Хуралдаанаар хоёрдугаар сарын 11-нээс 10 хоног хатуу хөл хорио тогтоохоор УОК санал нэгджээ. Хөл хорио тогтоох эсэх эцсийн шийдвэрийг Засгийн газар гаргах юм.