УОК-ын дарга С.Амарсайхан: Өдөрт 38 мянган шинжилгээ авах хүчин чадлыг бүрдүүллээ. Ажиллах бүтцийн хувьд УОК, УОК-ын Шуурхай штаб, ЦЕГ, ЭМЯ, түүний харьяа байгууллагууд болох Нийслэлийн онцгой болон дүүргийн онцгой байдлын газрын мэргэжилтнүүд, нутгийн захиргааны байгууллагынхан, Дотоод хэргийн их сургууль ажиллана. УОК-ын дэргэд Үндэсний аудитын газрын мэргэжилтнүүд ажиллан, хандив тусламжид хяналт тавих боллоо.
Эрүүл мэндийн сайд С.Энхболд: Иргэдэд 199, 18000119 гэсэн утсаар зөвлөгөө мэдээллийг 24 цагаар өгнө. Нийслэлд хотод нийтдээ 115 голомт бий. Үүнээс 30 голомт нь халдварын өндөр идэвхитэй хэвээр байгаа. Нийслэлд буй 115 голомтод энэ сарын 11, 12, 13-нд өргөтгөсөн шинжилгээ хийнэ. Нийтдээ 100 гаруй мянган өрх хамрагдах тооцоолол бий. Эдгээр өрхийн шинжилгээний хариу хэрхэн гарахаас хамааран цаашдын үйл ажиллагаагаа төлөвлөнө. Шинжилгээг байнгын 88 цэг, явуулын 100 цэгээр авна.