2021/02/26
USD 2,811

УОК: Үйл ажиллагаа нь зөвшөөрөгдсөн хувийн байгууллагынхан ажлын үнэмлэх, байгууллагын тодорхойлолтоо үзүүлээд зорчино

Н.Мичидмаа
2021/02/10

УОК-ын дарга шадар сайд С.Амарсайхан : Төрийн байгууллага нутгийн захиргааны зайлшгүй ажиллах ёстой ажилчид Нийслэлийн нийтийн тээврийн газраас гаргаж байгаа тусгай маршрутаар ажил эхлэх, тарах цагаар зорчино. Иргэд олон нийтэд автобус үйлчлэхгүй. Төрийн бус, хувийн байгууллагынхан ажилчдаа дээд тал нь 15 хүртэлх хувиар ажиллуулж, хөдөлгөөнд оролцохдоо ажлын газрын үнэмлэх, ажлын тодорхойлолтоо үзүүлээд хувийн машинаараа зорчино. ЯТТ-ийн автомашинууд хязгаарлалтгүй үйлчилнэ. Хуваарьт эмчилгээ авдаг иргэд тодорхой бичгээ үзүүлээд хувийн машинаараа зорчих боломжтой. 

Энэ сарын 11-23-ны өдөр хүртэлх хатуу хөл хорионы хугацаанд үйл ажиллагааг нь хязгаарлахгүй 14 байгууллага

  1. Эрчим хүч, дулаан, усан хангамж, ариутгал, хог хаягдал, нийтийн аж ахуй, инженерийн хангамж
  2. Эрүүл мэндийн байгууллага, эм, эмнэлгийн хэрэгсэл, ханган нийлүүлэх
  3. Улсын онц чухал болон стратегийн ач холбогдол бүхий объект, байгууллага /"УБТЗ" ХНН, "Чингис хаан", ИНЕГ, түүний харьяа алба салбар, “Буянт-Ухаа” олон улсын нисэх буудал, "МИАТ" ТӨХК, "Биокомбинат" ТӨҮГ, уул уурхайн салбарын хангалт, Үндэсний дата төвийн нөөц төв, Дипломат төлөөлөгчийн газар, НҮБ-ын суурин төлөөлөгчийн газар, түүний ажилтан, албан хаагчдын 10 хүртэлх хувь ажиллах, цагийн хязгаартай/
  4. Тусгайлсан чиг үүрэг бүхий байгууллага
  5. УИХ, төрийн захиргаа, төрийн болон нутгийн өөрөө удирдах байгууллага, гааль, шүүх, прокурор, өмгөөлөл, нотариат, Сонгуулийн ерөнхий хороо /ажилтан, албан хаагчдын 10 хүртэлх хувь ажиллах, цагийн хязгаартай/
  6. Хүүхэд хамгааллын үйлчилгээ, асрамж халамжийн төрөлжсөн байгууллага, МУЗН
  7. Хүнсний үйлдвэрлэл, тээвэрлэлт, түгээлт, худалдаа
  8. Мал, амьтны өвс, тэжээлийн тээвэрлэлт, түгээлт
  9. Газрын тосны бүтээгдэхүүн, түлшний хангамж, түгээлт, тээвэрлэлт
  10. Сайжруулсан түлшний үйлдвэрлэл, нийлүүлэлт, тээвэрлэлт, түгээлт
  11. Банкны цахим болон автомат тооцооны машин
  12. Хэвлэл мэдээлэл, харилцаа холбоо, шуудан, илгээмж
  13. Зөвшөөрөлтэй харуул хамгаалалтын байгууллага
  14. Оршуулга