ЭМЯ: Нэг хаалга шинжилгээний хүрээнд хоёр хоногийн хугацаанд 79600 иргэнийг шинжилгээнд хамрагдсан, өнөөдөр 12 хүний хариу эерэг гарлаа

Монгол Улсын Ерөнхий сайд Л.Оюун-Эрдэнэ ЭМЯ-нд ажиллаж байна.
Ерөнхий сайд Л.Оюун-Эрдэнэ: Иргэддээ баярлалаа гэж хэлмээр байна. Хөдөлгөөн анх удаа 98 хувьтай зогссон байна. Нэг өрх-Нэг шинжилгээ үр дүнтэй эхлээд явагдаж байна.  Уламжлалт хөл хорио биш, хөл хориог сулруулж, эдийн засгаа нээж дэмжих боломжийг бүрдүүлэх арга хэмжээ юм шүү.Шинжилгээнээс олон хүнээс коронавирус илрэх вий гэсэн санаа зовнилтой байсан. Бидний тооцоолж байснаас иргэдийн идэвхи маш сайн байна. Энэ байдлаараа явбал 420 мянган иргэнээ товлосон хугацаандаа хамруулах боломжтой байна. Хэрэв энэ шинжилгээ үр дүнтэй болж, маш сайн хийж халдварын эрсдэлт голомтоо хумьж чадвал, энэ удаагийн хатуу хөл хорио сүүлийнх байх магадлалтай гэж харж байгаа. Цаашид хөл хорио тогтоох шаардлагатай бол урьдчилж мэдэгдэж, бизнес эрхлэгчдийг бизнесээ, ажлаа төлөвлөж, зохицуулах хугацааг олгоно.

ЭМ-ийн сайд С.Энхболд : Батлагдсан тохиолдлуудын ойрын хавьтлыг тусгаарлаад явж байгаа. Нэг хаалга шинжилгээний хүрээнд хоёр хоногийн хугацаанд 79600 иргэнийг шинжилгээнд хамрагдсан, өнөөдөр 12 хүний хариу эерэг гарлаа. Батлагдсан  12 тохиолдлын  10 тохиолдол нь батлагдсан тохиолдлын ойрын хавьтал, хоёр нь Нэг өрх-Нэг шинжилгээгээр батлагдсан. Тандалтыг хийгээд ажиллаж байна. Нууц үеийн хавьтлууд буюу халдвартай иргэдийн дам хавьтлууд байх магадлалтай гэж харж байна.