Хууль, шүүхийн эрх мэдэл бүхий хэсэг хүмүүс PARKVIEW хотхоны 752-р байрны дугаар тоотод цугласан бичлэг олон нийтийн анхаарлыг татаж байгаа юм. Тухайн үед СБД-н Эрүүгийн хэргийн анхан шатны шүүгч, З.Болдбаатар, Булган аймгийн шүүгч Д.Отгонбаатар, МУ-н үндэсний аюулгүй байдлын зөвлөлийн ажилтан Б.Баасанцогт,АТГ-ын ажилтан П.Чулуунбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар байсан гэдгийг бичлэгт тодорхой харуулсан байдаг. Бичлэгт ҮАБЗ-ийн ажилтан гэгдэх Б.Баасанцогт хамгийн сүүлд хаалга цоожлон гарч байгаагаар дуусдаг.
Тухайн бичлэг хэвлэл мэдээллийн хэрэгслээр нийтлэгдсэн даруйд Clubhouse-д сэтгүүлч, хуульчид энэ асуудлаар ярилцах үеэр ҮАБЗ-ийн ажилтан гэгдэж байсан Б.Баасанцогт нь "Би өмгөөлөгч хийдэг, ҮАБЗ-д ажилладаггүй, бичлэг задарсан нь гэмт хэрэг гэж үзэж байгаа учир гомдол гаргана" хэмээн ярьсан байдаг.
Тэгвэл өмгөөлөгч Б.Баасанцогт нь МУ-ын Ерөнхийлөгчтэй ойр ажилладаг бөгөөд, Тодруулбал Ерөнхийлөгчийн Тамгын газар ажиллах үнэмлэхтэй. Энэхүү үнэмлэхээрээ Төрийн ордонд нэвтэрдэг гэх мэдээлэл бий.
Сэтгэгдэл (0)
Сэтгэгдэл бичигдээгүй байна