Хууль, шүүхийн эрх мэдэл бүхий хэсэг хүмүүс PARKVIEW хотхоны 752-р байрны дугаар тоотод цугласан бичлэг олон нийтийн анхаарлыг татаж байгаа юм. Тухайн үед СБД-ийн Эрүүгийн хэргийн анхан шатны шүүгч З.Болдбаатар, Булган аймгийн шүүгч Д.Отгонбаатар, МУ-ын үндэсний аюулгүй байдлын зөвлөлийн ажилтан гэгдэх Б.Баасанцогт, АТГ-ын ажилтан П.Чулуунбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар байгаа нь бичлэгт тодорхой харагддаг.
Тухайн бичлэгт МУ-ын гурван шүүгч байгаа нь бичигдсэн байдаг. Тодруулбал, СБД-ийн Эрүүгийн хэргийн анхан шатны шүүгч З.Болдбаатар, Булган аймгийн шүүгч Д.Отгонбаатар СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар юм.
Энэ асуудлаар ЦЕГ-ын Хэвлэл мэдээллийн төвийн дарга Б.Баатархүү мэдээллэхдээ " Гэмт хэргийн шинжтэй байж болзошгүй зүйлүүд яригдаж байна. МУ-ын эрүүгийн хуулийн 12.6.1-д заасан биеэ үнэлэлтийг зохион байгуулсан гэдгээр хэрэг бүртгэлтийн хэрэг нээх саналтай прокурорт хүргүүлсэн талаар мэдээлсэн байдаг.
Мөн тухайн бичлэгт байсан эмэгтэйчүүдийн дансаар мөнгө шилжүүлсэн гэх мэдээллийн талаар тодруулахад ЦЕГ-ын Хэвлэл мэдээллийн төвийн дарга Б.Баатархүү : Шалгалтын явцад тиймэрхүү зүйлүүд илэрч байгаа гэх мэдээллийг өгсөн байдаг. Тэгвэл мөнгө шилжүүлсэн гэх асуудалтай холбоотойгоор эх сурвалжийн мэдээлж буйгаар МУ-ын үндэсний аюулгүй байдлын зөвлөлийн ажилтан гэгдэж байсан өмгөөлөгч Б.Баасанцогт нь Иргэн "Д" гэх эмэгтэйн данс руу хоёр сая төгрөг шилжүүлж, Иргэн "Д" нь бусад эмэгтэйчүүдийн данс руу 500 мянган төгрөг тус бүр шилжүүлсэн гэх мэдээлэл байгаа юм.
Тэгвэл өмгөөлөгч Б.Баасанцогт Иргэн "Д" гэх эмэгтэйн данс руу хоёр сая төгрөг шилжүүлсэн байж болзошгүй гэх мэдээлэлд УИХ-ын гишүүн Б.Энхбаяр өөрийн твиттер хуудастаа дараах зүйлийг бичжээ.
Сэтгэгдэл (0)
Сэтгэгдэл бичигдээгүй байна