Н.Энхбаяр: С.Ганбаатар удаа дараа намынхантайгаа зөвлөлгүй, Ерөнхийлөгчийн сонгуульд нэр дэвшихгүй гэдгээ хэлсэн

МАХН-ын дарга Н.Энхбаяр: С.Ганбаатар гишүүн маань өөрийнх нь үзэж байгаагаар энэ удаагийн УИХ-ын сонгуулийн дараа зариг.мн сайтад ярилцлага өгөхдөө "УИХ-ын гишүүнээрээ ажиллана. Би Ерөнхийлөгчид нэр дэвшихгүй, Эрдэнэтийн сонгогчдынхоо эрх ашгийг хамгаална" гэж яриа өгсөн. Уг нь энэ байр сууриа хэлэхээсээ өмнө намынхантайгаа зөвөлчихсөн байсан бол зүгээр байсан.  С.Ганбаатар бид хоёр Ерөнхийлөгч Х.Баттулгатай уулзахад өмнөх ярьснаа бататгаад би ерөнхийлөгчид өрсөлдөхгүй, УИХ-ын гишүүний ажлаа хийнэ, харин нутгийн ах Ерөнхийлөгч Х.Баттулгаа дэмжинэ гэж бодож байгаа гэж надтай зөвлөхгүй Ерөнхийлөгчид хэлсэн. Мөн "би 2017 онд ерөнхийлөгчид нэр дэвшихгүй байсан ч намаас дэвшүүлсэн" Ерөнхийлөгч Х.Баттулгад гэж хэлсэн. Хэлснээрээ байя гэж байгаа бол хэлснээрээ байх хэрэгтэй. Энэ удаагийн сонгуульд С.Ганбаатар нэр дэвшихгүй байх гэж бодож байгаа.