УИХ дахь АН-ын бүлгийн гишүүд гурав дахь өдрөө өлсгөлөн зарлаж байна. Тодруулбал, О.Цогтгэрэл тэргүүтэй АН-аас УИХ-ын гишүүн Н.Алтанхуяг нэр дэвшихээр болсон ч СЕХ-ноос түүний материалыг хүлээж аваагүй. Харин М.Тулгат тэргүүтэй АН-ын тамга тэмдэг хүчинтэй гэх шалтгаанаар СЕХ-ноос намын дарга асан С.Эрдэнийн материалыг хүлээн аваад байгаа юм.
Тэгвэл УИХ-ын дарга Г.Занданшатар өлсгөлөн зарлаж буй УИХ-ын гишүүдийг эргэж төв талбай дээр очлоо.
УИХ-ын дарга Г.Занданшатар: "Ардчилсан нам дотроо учраа ол. Намын дотоод ажлыг төрийн хямрал болгож битгий дэвэргээд бай. УИХ-ын гишүүдийнхээ амь нас эрүүл мэндийг шийдвэрлэе гээд Н.Алтанхуяг, Д.Ганбат гишүүнтэй бид нар яриад шийдэж байхад та нар ингэж битгий үймүүлээд байна. Одоо энэ үйл ажиллагаагаа зогсоо. Ингэхгүй бол би өөрөө энд ирж суулт зарлаж, өлсгөлөн зарлана " гэв.
Харин тэрбээр сэтгүүлчдийн асуултад хариулахдаа: УИХ-ын гишүүд маань өлсгөлөн зарлаад Ерөнхийлөгчийн сонгуультай холбоотой асуудлаар асуулга тавьж байгаа учраас би ирж уулзлаа. Хуулиа дээдэлж Үндэсний эв нэгдлийг дээдлэн сахиж ажиллах учиртай. Энэ төрийн түшээд маань хуулиа сахин биелүүлээд асуудал байвал их хурлын танхимдаа хэлэлцэж шийдэе гэдэг санал шаардлагыг тавьж байгаа. Ер нь бол АН-ын бүлгийн дарга Д.Ганбат болон УИХ-ын гишүүн Н.Алтанхуяг нар надад ингэж уулзаач ээ гэдэг санал тавьсан. Саналын дагуу би ирж уулзсан. Манай гишүүдтэй уулзаад саналыг нь сонсоод ажлын хэсэг байгуулаад асуудлаа шийдэе гэсэн. Сонгуулийн ерөнхий хороо улс төрөөс хараат бусаар ажиллах ёстой.
17°C
Сэтгэгдэл (142)